Petropavl qalasynyń polısııa basqarmasynyń qyzmetkerleri avtokólikten aqsha urlady degen kúdikpen Taraz qalasynyń 33 jastaǵy turǵynyn ustady.
Oqıǵa Jumabaev kóshesindegi aýlanyń birinde bolyp, polısııaǵa Lexus markaly jol talǵamaıtyn kóliktiń búıir jaq terezesi synyp, salonnan 200 myń teńgeden astam aqsha, bank kartalary, qujattar salynǵan qol sómke qoldy bolǵany týraly habar túsken. Qalalyq polısııa basqarmasynyń krımınaldyq polısııa bólimi qyzmetkerleri páter boıy tekserip, kórgen-bilgen kýágerlerdi izdestirdi. Aýladaǵy kólik qoıatyn oryn kameranyń sholý aımaǵyna ilikpeıdi, sondyqtan oqıǵa bolǵan aýdanǵa jaqyn jerdegi kameralardaǵy beınejazba zerdelendi. Osy aýdandaǵy aýlalardyń birinen er adamdar shyqqany, bireýiniń qolynda uqsas barsetka bolǵany anyqtaldy.
Jedel-izdestirý is-sharasyn ótkizý nátıjesinde, kelesi kúni avtokólikterdi tonap júrgen kúdikti anyqtalyp, ustaldy. Ol jumysqa ornalasý úshin jýyrda Petropavlǵa kelgen Taraz qalasynyń buryn sottalǵan 33 jastaǵy turǵyny bolyp shyqty. Tintý kezinde urlanǵan barsetka, qujattar men aqshanyń bir bóligi alyndy.
Avtokólikten urlaý faktisi QK 188-baby «Urlyq» boıynsha sotqa deıingi tergep-tekserý júrgizilýde. Kúdikti Petropavl qalasynyń PB ýaqytsha qamaýda ustaý ızolıatoryna qamaldy. Onyń osyǵan uqsas qylmystarǵa qatysy bary tekserilýde.
PETROPAVL