Almaty qalasynyń ákimi Baqytjan Saǵyntaev qalanyń polısııa departamentiniń basshylyǵymen onlaın-keńes barysynda jergilikti polısııa qyzmeti men qoǵamdyq qaýipsizdikti qamtamasyz etý boıynsha ýchaskelik ınspektorlardyń jumysyn jandandyrý máselelerin talqylady, dep habarlaıdy Egemen.kz
Keńes barysynda polısııanyń ýchaskelik ınspektorlarynyń jumys nátıjeleri tyńdaldy. Qalada 491 ýchaskelik ınspektor men olardyń 102 ýchaskelik kómekshisi qyzmet etedi. 102 ýchaskelik pýnkt jumys jasaıdy. О́tken jyly Almaty qalasynyń ákimi B.Saǵyntaevtyń tapsyrmasy boıynsha krımınogendi aımaqtarǵa 37 modýldik polısııa beketteri ornatyldy, olarǵa aǵymdaǵy jyldyń basynan beri 40 myńǵa jýyq ótinish túsken.
Jyl basynan beri ýchaskelik ınspektorlar 5 myńnan astam qylmysty ashyp, qala turǵyndarynyń 370 myńnan astam shaǵymdary men aryzdaryn qarady. Ákimshilik jaýapkershilikke 61,6 myń azamat tartyldy.
Almaty ákimi B.Saǵyntaev quqyq buzýshylyqty boldyrmaý, onyń ishinde turmystyq sıpattaǵy quqyq buzýshylyqtardyń aldyn alý boıynsha profılaktıkalyq jumystardy kúsheıtýdi tapsyrdy. Keńes barysynda ýchaskelik polısııa qyzmetiniń materıaldyq-tehnıkalyq bazasyn nyǵaıtý, ýchaskelik polısııa qyzmetkerleriniń mártebesin kóterý máseleleri qaraldy. Sondyqtan damýdyń keshendi baǵdarlamasyn qabyldaý qajet.
Qoǵamdyq qaýipsizdikti qamtamasyz etý sharalaryn kúsheıtý mindeti alǵa qoıyldy, óıtkeni qala turǵyndarynyń jaılylyǵy men tynys-tirshiligi osyǵan tikeleı qatysty.
Keńeste aýdandar polısııa basqarmalary ýchaskelik ınspektorlarynyń nátıjeli jumystary atap ótildi.