Aýqymdy turǵyn úı qurylysyn yntalandyrý memlekettiń turǵyn úı qurylysy salynatyn aýdandarǵa kommýnıkasııalar tartý esebinen qamtamasyz etiledi. Osy maqsatta jyl saıyn 130 mlrd teńgege deıin qarjy bólý kózdelgen. Bul týraly Ortalyq kommýnıkasııalar qyzmetinde ótken brıfıngte Qurylys jáne TKSh isteri komıtetiniń tóraǵasy Marhabat Jaıymbetov habarlady.
"Bul qarjyǵa azamattarǵa jeke turǵyn úı qurylysyn salý úshin bólinetin 40 myń jer ýchaskesine kommýnıkasııa tartylady. Turǵyn úıdi iske qosý kórsetkishi búginde bir turǵynǵa shaqqanda 0,71 sharshy metrge jetti. Bul TMD elderiniń ishindegi eń joǵary kórsetkish jáne ekonomıkalyq damyǵan elderdiń deńgeıine jaqyndady. Mysaly, turǵyn úımen qamtamasyz etý problemasyn qarqyndy sheshý kezeńinde Japonııada jyl saıyn bir adamǵa 0,9-1 sh.m. turǵyn úı, AQSh-ta - 0,7-0,8 sh.m., Fransııa men Germanııada - shamamen 0,7 sh.m. salyndy, al Qytaı uzaq ýaqyt boıy bir adamǵa 1 sh.m. deńgeıinde qurylys belsendiligin saqtap keledi. Búgingi tańda turǵyn úıge muqtaj 530 myńnan astam azamat kezekte tur", - dedi spıker bul kórsetkishterdiń Kezekte turǵandardyń biryńǵaı respýblıkalyq bazasynan alynǵanyn atap ótip.