Qoǵamdyq kólik – halyq ıgiligine

Syıymdylyǵy 70 jolaýshyǵa arnal­ǵan «Yutong» markaly kólik ekologııalyq taza dızel oty­nymen júredi. Eýro-5 stan­darttaryna sáıkes kele­tin gaz qozǵaltqyshtarymen jab­dyq­­talyp, múmkindigi shekteýli jan­darǵa yńǵaıly bolý úshin tómen edendi etip qurastyrylyp, arnaıy kótergish quraly orna­tyl­ǵan. Jańa qoǵamdyq kólik­ter­de qa­ýipsizdik sharasy da qaras­ty­ryl­ǵan. Iаǵnı kólik beıne­ba­qy­laýmen jabdyqtalǵan. Jazda turǵyndarǵa yńǵaıly bolý úshin salqyndatqysh qoıylǵan jáne aldaǵy ýaqytta GPS qondyrǵysy qoıylmaq.

Oblys ákimi Serikbaı Trumov qala halqyn qýanyshty sátpen qut­tyq­tap, jańa qoǵamdyq kólikter aqtaý­lyq­tar­dyń ómir súrý sapasyn jaq­sar­tý­ǵa baǵyttalǵan mańyzdy qadam ekenin atap ótti.

«О́ńirde qoǵamdyq kólik máse­le­sin sheshý maqsatynda «Kaspıı» ÁKK UK» AQ bastamasymen 2018 jyly «Aqtaý qalasy avtobýs parkin jańartý» baǵdarlamasy jasaqtaldy. Sondaı-aq bul Nur Otan partııasynyń saılaý aldyn­daǵy baǵdarlamasyna da engizilgen. Memleket basshysy Qasym-Jomart Toqaev jyl basynda Úkimettiń keńeıtilgen oty­rysynda jolaýshylar tasymaly men olardy sýbsıdııa­laý máselesin júıeli túrde sheshýdi tapsyrǵan bolatyn. Mine, búgin Aqtaý qala­syna elimizde quras­ty­rylǵan otan­dyq ónim qala tur­ǵyn­daryn tasy­mal­daıtyn bolady», dedi Serikbaı Trumov.

Avtobýstardyń jalpy quny 721,8 mln teńge, onyń 30%-dyq alǵashqy jarnasy memleket tarapynan tólendi, al qalǵan 70%-y «Qazaqstan Damý Banki» AQ-nyń lızıngtik baǵdarlamasy arqyly tólenedi.

Budan keıin kólik tabystaý sharasy densaýlyq saqtaý salasynda jalǵasty. Medısına basqarmasynyń materıaldyq-tehnıkalyq bazasy taǵy 2 jyljymaly medısınalyq keshenmen tolyqty. Otandyq avtokólik negizinde qurastyrylǵan jáne kóshpeli jaǵdaıda azamattardyń den­saýlyǵyn tekserýdiń keń spekt­­rine arnalǵan tehnıkalar Túpqaraǵan men Qaraqııa aýdandyq aýrý­hanalaryna tabystaldy.

Sozylmaly aýrýlardy erte anyqtaý, densaýlyq jaǵdaıyn, aldyn alý jáne emdeý rásimderin anyqtaý úshin qajetti zamanaýı sıfrly quraldarmen jab­dyqtalǵan jyljymaly dıag­nos­tıka­lyq medısınalyq keshender Yutong qala­ara­lyq avtobýsy negizinde qu­ryl­ǵan. Bul kólikterdiń avtonomdy jyly­tý, kondısıonerleri jáne birneshe ka­bıneti bar. Gınekologııalyq qaraý ka­bı­neti, bıohımııalyq qan alý ýchaskesi, dárihanalyq pýnkt, jalpy qabyldaý kabı­ne­ti, rentgen-bólmesi bar keshende medısınalyq tekserýler, dıspanserlik tekserý­ler, konsýltasııalyq-dıag­nos­tı­kalyq medısınalyq kómek kór­setý, medısınalyq jáne zert­hanalyq zertteýler, salamat­ty ómir saltyn úgitteý jáne qalyp­tas­tyrý qyzmeti júrgizilmek. Son­daı-aq qorǵasyn bólmesinde qaýipsiz rentgen jáne flıýorografııa jasaýǵa bolady. Arnaıy jasaqtalǵan kólik medısınalyq kómek kórsetý, skrınıngter ótki­zý, bilikti mamandardyń konsýl­­tasııalaryn jasaý arqyly aýyl­dyq jerlerdegi halyqqa me­dı­sınalyq qyz­met­terdi joǵa­ry deń­geı­de kórsetýge múm­kindik beredi.

Qaraqııa aýdandyq ortalyq aýrýha­na­synyń bas dárigeri Gúlshara Saqtap Senek, Qulandy jáne Bostan aýyl­da­ryna baryp, dıagnostıkalyq-medı­sı­nalyq ke­shen qandaı qyzmet atqarýǵa qaýqarly ekenin, turǵyndarǵa sapaly medısınalyq kómek kór­se­týde eshqandaı kedergi jo­ǵyn aıtty. Al Túpqaraǵan aýdandyq ortalyq aýrýhanasynyń bas dárigeri Gúlshat Shalabaeva, res­pýb­­lıkalyq bıýdjet esebinen satyp alynǵan keshen­niń kómegi­men jumys edáýir je­ńil­deı túse­ti­nin aıtady.

Mańǵystaý oblystyq den­saý­lyq saqtaý basqarmasynyń basshysy Jamal Jamanbaeva jyljymaly medısınalyq keshenimen jeke tanysyp, medısıanlyq kólik­terdiń shalǵaıdaǵy aýyl turǵyn­daryna der kezinde sapaly medısınalyq kómek kórsetiletinine senimdi ekenin jetkizdi.

Mańǵystaý oblysy