Aıyrtaý aýdanynyń Shalqar aýylynda tanys dúkenshiden qaryzǵa araq almaq bolyp kelgen 50 jasar adam betin qaıtarǵan satýshy áıeldi tóbesinen bir uryp, araǵyn alyp qashqan, dep habarlaıdy Egemen.kz.
Dúkenshi onyń qyzý ekenin kórgen soń qaryzǵa araq berýden bas tartqan eken. Al saý kezinde berip turǵanǵa uqsaıdy, óıtkeni ol ekpindeı enip, batyl qımyldaǵan. Alaıda tumsyǵy tasqa tıgende qarap qalmapty. Ana jaqta «qımas» dostary ústelde tosyp otyrǵanda mas adam neden tartynsyn, araq bermegen satýshyny sulatyp salyp, «erlik» jasap ketken eken...
Endi onyń ústinen qaýipti qaraqshy retinde Qylmystyq kodekstiń 191 babymen is qozǵaldy. Aıyrtaý aýdany polısııa bóliminiń bastyǵy Marat Serkeshevtiń aıtýyna qaraǵanda zardap shekken áıel aýrýhanaǵa jetkizilip, densaýlyǵyna kelgen aqaý boıynsha anyqtama alǵan.