Álemde sońǵy bir aptada koronavırýs juqtyrǵandar sany kúrt kóbeıdi. Osylaısha, bir aptanyń ishinde qaýipti dertke shaldyqqandar 3 mıllıonǵa artyp, 48 mıllıonǵa jetti. Bul – indet bastalǵaly beri tirkelmegen kórsetkish.
Infeksııaǵa shaldyqqandardyń deni AQSh, Úndistan jáne Fransııa elderinde tirkelgen. Muhıttyń arǵy betinde bir kúnde 95 myń adam tirkelip, jalpy sany 9,6 mıllıonnan asty. Úndistanda ótken táýlikte 46 myń adamnyń test qorytyndysy oń nátıje kórsetken.
Fransııada naýqastar sany 1,5 mıllıonnan asty. Eldegi jaǵdaı kúnnen-kúnge ýshyǵyp barady. Ásirese sońǵy eki aptada vırýs juqtyrǵandar kúrt kóbeıgen. Aýrýhanalarda tósek-oryn jetispeýshiligine baılanysty el bıligi naýqastardyń bir bóligin Germanııaǵa jibermek. Al Ispanııa bıligi eldegi epıdemııalyq jaǵdaıǵa qaramastan lokdaýn engizýge asyǵar emes. Bul elde naýqastar sany 1,3 mıllıonnan asqan.