«Ortalyq Azııa – ósý jáne órkendeý» taqyrybymen ótetin bıylǵy forým COVID-19 indetinen keıingi ekonomıkany qalpyna keltirý kezindegi Ortalyq Azııadaǵy naryqtyń jańa úrdisteri men reaksııalaryn zertteýge arnalady. Bes kúndik is-shara jahandyq jáne jergilikti sarapshylar men ınnovatorlardyń basyn biriktirip, birneshe onlaın platformalarda, sonyń ishinde Zoom, Facebook Live jáne YouTube arqyly ótkiziledi.
Forým qatysýshylary onlaın-sessııalarǵa, negizgi baıandamalar men semınarlarǵa qosylyp, COVID-19 indetiniń aımaqtyq jetkizý tizbegine áseri jaıly, Ortalyq Azııadaǵy týrızmdi qalpyna keltirý, aımaqtyq energetıka naryǵyn damytý, aımaqtyq máseleler men elektrondy saýda múmkindikteri jaıly, memlekettik jáne jeke sektorlar arasynda baılanys qurý, aımaqtaǵy kásipker áıelderdiń tájirıbesi jáne taǵy basqa ózekti taqyryptar boıynsha pikirtalastarǵa qatysa alady.
Sonymen qatar, forým kezinde Qazaqstannyń, Qyrǵyz Respýblıkasynyń, Tájikstannyń, Túrikmenstannyń jáne О́zbekstannyń 20-dan astam kókónis pen jemis ónimderin óndirýshi kompanııalar aımaqtaǵy jáne odan tys jerlerdegi seriktestermen «Mır torgovlı» (World of Trade) vırtýaldy rıteıl forým sheńberinde iskerlik kelissózder júrgizedi [www.eximexpo.kz].
Sońǵy onjyldyqta Ortalyq Azııa saýda forýmy álemniń 30 elinen kelgen 5000-ǵa jýyq memlekettik jáne jeke menshik sektor ókilderin biriktirý arqyly jańa úrdistermen tanysý, ıdeıalarmen almasý, baılanystardy damytý jáne bıznes júrgizý múmkindikterin yńǵaıtty. Máselen, sońǵy onjyldyqta Ortalyq Azııa elderi arasyndaǵy taýar aınalymy eki ese ulǵaıdy jáne jylyna shamamen 6 mıllıard AQSh dollaryn qurady