Eýrazııalyq ekonomıkalyq komıssııanyń (EEK) Keńesi bylǵary jáne aıaq kıim ónerkásibinde árleý materıaldary retinde qoldanylatyn birqatar hımııalyq ónimderge kedendik ákelý bajdarynyń stavkalaryn nólge teńestirý týraly sheshim qabyldady, dep jazady Egemen.kz uıymnyń baspasóz qyzmeti taratqan derekterge silteme jasap.
Tıisti bastamany Reseı Federasııasy kóterip, 0% mólsherindegi tólemder úsh jylǵa belgilenedi. Buǵan deıin, 22 qyrkúıektegi otyrys barysynda EEK Alqasy bylǵary jáne aıaq kıim ónerkásibine arnalǵan bylǵary men bettik aktıvti zattardy árleýge arnalǵan boıaýlarǵa, laktarǵa, daıyn sýly pıgmentterge baj stavkalaryn tómendetken. Bul shara bylǵary, teriden jasalǵan buıymdar men aıaq kıim óndirýshilerdi qoldaýǵa baǵyttalǵan.
"Jeńil ónerkásip EAEO sheńberinde kooperatıvti yntymaqtastyqty damytýdyń basym baǵyty ekendigin eskere otyryp, usynylyp otyrǵan sharanyń tıimdiligi óndiristik qyzmet jaǵdaılaryn jaqsartýda, bylǵary jáne aıaq kıim ónerkásibin damytýda, óndiris kólemin ulǵaıtýda jáne daıyn ónimniń básekege qabilettiligin arttyrýda kórinetin bolady", dedi EEK Saýda mınıstri Andreı Slepnev.
EEK Keńesiniń sheshimi resmı jarııalanǵan kúninen bastap 30 kúntizbelik kún ótken soń kúshine enedi.