Elimizdegi «Birlik» saıası partııasynyń ataýy ózgertildi. Bul sheshim keshe Nur-Sultan qalasynda ótken Saıası keńestiń otyrysynda qabyldandy. Osylaısha, keńestiń qorytyndysyna sáıkes «Birlik» partııasy budan bylaı «Adal» saıası partııasy dep atalady.
Partııa tóraǵasy Serik Sultanǵalıdiń aıtýynsha, «Birlik» partııasy basqarý organdaryna ǵana emes, mazmunyna da áser etetin qaıta jańǵyrýǵa daıyn.
– Biz partııa ataýyn ózgertý máselesine (rebrendıng) qatysty zertteý júrgizdik. Bul zertteýdi kásibı áleýmettanýshylar júrgizip, olar ataýdyń 10-ǵa jýyq jańa nusqasyn qarastyrdy. Taldaý nátıjesinde ataýdyń «Adal» nusqasy kóp qoldaýǵa ıe boldy. Muny áleýmettanýshy sarapshylar turǵyndardyń jańashyldyqqa, ádilettilikke degen suranysymen túsindirip otyr. Solaı bola tura, adamdar ádilettilik sóziniń aıasyna kóp dúnıeni syıdyratyny baıqalady. Ony sybaılas jemqorlyqqa qarsy kúresten bastap, sheshimder qabyldaýdaǵy ashyqtyqpen aıaqtaýǵa bolady, – dedi partııa tóraǵasy.
Partııa ataýyn ózgertý týraly usynys saıası keńes músheleriniń daýys berýine shyǵarylyp, nátıjesinde biraýyzdan «Adal» dep ózgertý týraly sheshim qabyldandy.
Otyrys barysynda partııanyń saılaýǵa qatysýǵa daıyndyǵy týraly másele talqylanyp, saılaýaldy naýqannyń 7 baǵyty usynyldy. Bul baǵyttardyń ishinde turǵyndardyń kirisin arttyrý, ádiletti memleket qalyptastyrý, bilim berý men adamı kapıtaldy, aımaqtar men agroónerkásiptik keshendi damytý, jastarǵa jaǵdaı jasaý jáne sybaılas jemqorlyqpen kúresý máseleleri bar. Naýqannyń sońǵy nusqasy 16 qarashada saılaý aldyndaǵy sezde bekitiledi.
Serik Sultanǵalı kún tártibindegi saılaýaldy máselelerden bólek, saıası keńeske engen partııanyń 9 jańa múshesin tanystyrdy. Olardyń qatarynda «Atameken» UKP Basqarma múshesi Eldar Jumaǵazıev, «Shopan Ata» ulttyq qoı ósirýshiler qaýymdastyǵynyń tóraǵasy Almasbek Sadyrbaev, Tájirıbeshil ekologter qaýymdastyǵynyń tóraǵasy Laýra Malıkova, «Atameken» UKP Basqarma tóraǵasynyń orynbasary Oljas Ordabaev, álem chempıony, qoǵam qaıratkeri Ardaq Nazarov, telejýrnalıst Maqsat Tolyqbaı, telejýrnalıst, áleýmettik jobalardyń avtory Dáýlet Muqaev, qoǵam qaıratkeri Igor Shaskıı, «Adal» partııasy fılıalynyń basshysy Murat Qojamqulov bar.
– Qazir biz Májilis pen máslıhattar úshin partııalyq tizimderdi qalyptastyrýdamyz. Qorytyndy boıynsha áıelder men jastar úshin 30 paıyzdyq kvota saqtalady. 30 qyrkúıekte ótken sezde óz kúsh-jigerimiz, tájirıbemiz ben kózqarasymyz bar ekenin aıtqan bolatynbyz. О́z sózimdi, partııanyń jańarýyn rastaımyn. Jańa qurylymnyń engizilýi bizdi odan ári nyǵaıta túsedi. Búgin bizdiń saıası keńesimizge óz tájirıbesimen, bilimimen bólise alatyn túrli saladaǵy jańa tulǵalar, qoǵam qaıratkerleri endi. Biz saılaýǵa qatysýǵa daıyndalyp jatyrmyz, tıisti ıdeologııalyq, taldaý jáne aqparattyq-túsindirý jumystary bastaldy, – dedi S.Sultanǵalı.
Otyrys sońynda «Adal» partııasy men Ekologter qaýymdastyǵy arasynda yntymaqtastyq týraly memorandýmǵa qol qoıyldy. Qujattyń negizgi maqsaty – Qazaqstandaǵy qorshaǵan ortanyń sapasyn jaqsartýdaǵy ózara is-qımyldy keńeıtý, taraptardyń yntymaqtastyǵyn arttyrý sanalady. Partııa men qaýymdastyq elimizdiń ekologııalyq zańnamasyn jetildirý jóninde birlesken usynystar ázirleıdi. Sondaı-aq qorshaǵan ortanyń, ekologııalyq zertteýler men ekologııalyq mádenıettiń sapasyn jaqsartýǵa baǵyttalǵan is-sharalardy júrgizedi.