Nursultan Nazarbaev «Ekspress K» qoǵamdyq-saıası respýblıkalyq gazetiniń ujymyn 100 jyldyq mereıtoıymen quttyqtady, - dep habarlaıdy Egemen.kz
«Ekspress K» qoǵamdyq-saıası respýblıkalyq gazetiniń ujymyn 100 jyldyq mereıtoıymen quttyqtaımyn! Basylym betteri elimizdiń mol tarıhynyń aınasyna aınalyp keledi. Bul jylnamanyń mańyzdy bóligi táýelsiz Qazaqstannyń qalyptasýyna arnalǵan.
Gazet qazaqstandyq qoǵam damýynyń ózekti máselelerin kóterýmen qatar eldegi áleýmettik-ekonomıkalyq jáne saıası ózgerister jaıly únemi ún qatyp otyrady. Sonymen birge materıaldardyń jeńil qalypta jáne uǵynyńqy etip berilýi tereń taldaýmen sheber úılesedi. Bul basylym qyzmetkerleriniń kásibı deńgeıiniń joǵary ekeniniń kórinisi. Basylymda talaı talantty avtorlar jemisti qyzmet atqardy. Búginde shyǵarmashylyq dástúrlerin shyńdaı otyryp, «Ekspress K» Qazaqstannyń jetekshi basylymdarynyń qataryna nyq senimmen enip otyr», delingen Elbasynyń Instagram-daǵy paraqshasynda.