Petropavldyń patrýldik polısııasy 7 qarashaǵa qaraǵan túni Áýezov kóshesinen Chaıkovskııge burylǵan "Dongfeng" avtobýsynyń júrgizýshisi saý emes ekenin baıqap qalady. Rólde 1981 jyly týǵan avtopark júrgizýshisi bolǵan. Toqtatqan kezde odan alkogoldiń ıisi ańqyp turǵan. Medısınalyq kýálandyrý ortasha deńgeıdegi masaıýdy kórsetti.
Júrgizýshi jumystan keıin úıine bara jatqanyn aıtady. Karantındik shekteýlerge baılanysty demalys kúnderi jolaýshylar kóliginiń qozǵalysy toqtatylǵan, sondyqtan ol «kóńilin kótermekshi» bolǵan eken.
Qazir júrgizýshiniń ústinen Ákimshilik quqyq buzýshylyq týraly kodekstiń 608-baby "Júrgizýshiniń kólik quralyn alkogoldik, esirtkilik jáne (nemese) ýytqumarlyq masań kúıde basqarýy, sol sııaqty kólik quralyn alkogoldik, esirtkilik jáne (nemese) ýytqumarlyq masań kúıdegi adamnyń basqarýyna berý" boıynsha materıal jınady. Materıaldar sotqa joldanatyn bolady. Ázirge júrgizýshi 15 táýlikke deıin ákimshilik qamaýǵa alynyp, odan keıin sot sheshimimen kólik júrgizý quqyǵynan 7 jylǵa aıyrylýy múmkin.
PETROPAVL