Jolaýshy poıyzdarynyń jol júrý jıiligi qysqarady, dep habarlaıdy Egemen.kz «Jolaýshylar tasymaly» kompanııasynyń baspasóz qyzmetine silteme jasap.
Kompanııa koronavırýs ınfeksııasynyń taralýyna jol bermeý maqsatynda qoldanylyp jatqan sharalardy atap ótti. Qazaqstanda koronavırýs ınfeksııasynyń taralýyna jol bermeý jónindegi vedomstvoaralyq kommıssııa sheshimine jáne QR Indýstrııa jáne ınfraqurylymdyq damý mınıstrliginiń hatyna sáıkes kelesi SQO, Aqmola, Qostanaı jáne Pavlodar oblystaryn qatynaıtyn jolaýshy poıyzdarynyń jol júrý jıiligi qysqarady:
1) 9 qarashadan bastap №705/706 «Almaty-Petropavl» jolaýshylar poıyzy kúnara qatynaıtyn bolsa, №31/32 «Pavlodar – Almaty» jolaýshylar poıyzy belgilengen kúnder boıynsha qatynaıtyn bolady.
2) Kelesi oblystarda barlyq stansalarǵa bılet satýǵa jáne jolaýshy otyrǵyzýǵa/túsirýge ýaqytsha tyıym salynady:
a) Aqmola oblysynda Atbasar, Ereımentaý, Arshaly stansalarynan, 1, 2 jáne 3-synypty vokzaldar ornalasqan Býrabaı, Esil, Makınka, Aqkól, Jaltyr jáne Kókshetaý kýrortyn qospaǵanda;
b) Pavlodar oblysynda Pavlodar, Ekibastuz, Aqsý-2 jáne Bozshakól stansalaryn qospaǵanda;
c) Qostanaı oblysynda Qostanaı, Tobyl, Qusmuryn, Esil, Arqalyq jáne Jelezorýdnaıa stansalaryn qospaǵanda;
d) Soltústik Qazaqstan oblysynda barlyq stansalar arqyly jolaýshylardy otyrǵyzýǵa/túsirýge tranzıttik jolaýshy poıyzdarynyń qozǵalysyna tyıym salynady.
Sonymen qatar, № 68/67 «Nur-Sultan Nurly jol - О́skemen-1» jolaýshy poıyzynyń aptasyna bir ret jol júrý merzimdiligi jáne № 351/352 «Almaty-2 - О́skemen-1» jolaýshylar poıyzynyń aǵymdaǵy jyldyń sońyna deıin ýaqytsha kúnara qatynaýy uzartyldy. Petropavl stansasynan jolaýshy tasymalynyń poıyzymen shyǵý 3 táýlikke jaramdy teris nátıjeli COVID-19 PTR testileýden ótkeni týraly anyqtama mindetti túrde bolýy qajet. PTR anyqtamasy joq jolaýshy vagonǵa jiberilmeıdi, sondaı-aq temirjol vokzaly ǵımaratynda kútip alýshy men shyǵaryp salýshyǵa kirýge tyıym salynady. Petropavldan jolaýshy poıyzdarynda qoǵamdyq tamaqtaný obektileriniń qyzmetin uıymdastyrý kóliktegi Bas memlekettik sanıtarlyq dárigerdiń qaýlysynyń talaptaryna sáıkes qamtamasyz etiledi.
Toqtatylǵan poıyz ben tyıym salynǵan stansalarǵa jol júrý qujatyn (bılet) resimdegende, sondaı-aq bıleti bar jolaýshynyń PTR anyqtamasy bolmaǵanda bıletin qaıtaryp beredi, onyń aqshasyn tolyq kólemde qaıtaryp alady. Bıleti qaıtarý jolaýshy tasymaldaý erejesinde kózdelgen merzimde bılette kórsetilgen stansadan poıyz jóneltilgen sátten bastap 1 saǵattan keshiktirilmeı júrgiziledi. Tólemdi qaıtarý bıletti qaıtarý tártibi men satyp alý tásiline qaraı qolma-qol jáne qolma-qol aqshasyz esep aıyrysý arqyly júrgiziledi. Jolaýshylar poıyzdarynyń qozǵalys kestesi boıynsha barlyq aqparatty «105» nómiri arqyly bilýge bolady.