Bul kúnderi Reseı astanasy Máskeýde grek-rım kúresinen Gran-prı jarysy ótip jatyr, dep habarlady UOK baspasóz qyzmeti.
Ivan Iаrygındi eske alýǵa arnalǵan halyqaralyq týrnır – indet bastalǵaly beri UWW uıymdastyrǵan alǵashqy jarys. Básekede erkin, grek-rım kúresterinen bólek, jaǵajaı kúresiniń ókilderi de baq synaýda. Jaǵajaı kúresindegi balýandar dodasy úshin sport saraıyna 70 tonna qum kirgizilgen.
Týrnırge toǵyz eldiń balýandary qatysyp jatyr. Atap aıtar bolsaq, Reseı, Ázerbaıjan, Qyrǵyzstan, О́zbekstan, Argentına, Bahreın, Rýmynııa, Soltústik Makedonııa jáne Túrkııa sportshylary ózara myqtyny anyqtaıdy. Sondaı-aq Gran-prı týrnıri barysynda Nenad Lalovıchtiń qatysýymen UWW komıssııasynyń onlaın otyrysy ótedi.