Shymkent qalasynda aýyl sharýashylyǵy, onyń ishinde sútti baǵyttaǵy iri qara ósirý qarqyndy damyp, sút óniminiń kólemi artyp keledi. О́tken jyldyń 9 aıynda sıyr sútiniń kólemi-36 987,0 tonna bolsa, bıyl 38 259,3 tonnaǵa jetip, 3,4 paıyzǵa artty, dep habarlaıdy Egemen.kz.
Búginde Shymkent qalasynda osy baǵyttaǵy sharýashylyqqa memleket tarapynan qarjylaı qoldaý kórsetilip, kásibin dóńgeletip otyrǵan sharýanyń biri Karımjan Egamnazarov. Qaladaǵy sútti baǵyttaǵy asyl tuqymdy iri qara ósirip otyrǵan jalǵyz qojalyq osy JK "Egamnazarov" sharýa qojalyǵy.
О́tken jyldyń qarasha aıynda Gollandııadan ákelingen 35 bas asyl tuqymdy "Golshtın" iri qara malynyń analyq basynan sút alýdy bastaǵan qojalyq bıyl Vengrııadan taǵy 35 asyl tuqymdy iri qaramen kóbeıtip otyr.
Qazir qojalyqtaǵy 70 bas asyl tuqymdy iri qaraǵa memleket tarapynan qoldaý kórsetilip, 16,1 mln teńge sýbsıdııa berilgen.
"Shetten ákelgen asyl tuqymdy iri qara maldyń kóbi tóldedi. Aldaǵy ýaqytta sharýashylyq qora-jaıyn keńeıtip, sútti baǵyttaǵy mal basyn kóbeıtýdi josparlap otyrmyz", - deıdi kásipker.
Zamanaýı tehnologııalarmen jabdyqtalǵan fermada bir saýyn sıyr táýligine 24 lıtr sút beredi. Al qojalyq jylyna 600 tonna deıin sút óndirýge qaýqarly.