Eýrazııalyq ekonomıkalyq komıssııanyń Ekonomıka jáne qarjylyq saıasat jónindegi alqa múshesi (Mınıstr) Tımýr Jaqsylyqovtyń tóraǵalyǵymen Retteý áserin baǵalaý jónindegi jumys toby otyrys ótkizdi, onyń barysynda EEK kedendik ákimshilendirý, monopolııaǵa qarsy retteý, medısınalyq maqsattaǵy buıymdardyń aınalymy jáne sheshimderi jobalary qaraldy, dep habarlaıdy Egemen.kz uıymnyń baspasóz qyzmeti taratqan aqparatqa silteme jasap
Atap aıtqanda, ýaqytsha ákelý merzimi eki jyldan aspaıtyn merzimge belgilenetin taýarlardyń tizbesin bekitý jáne Reseı Federasııasynda jarııalanǵan kombaındardyń tizimine engizý týraly EEK Alqasynyń sheshiminiń jobasy qaraldy.
Jumys nátıjeleri boıynsha jobada qarastyrylǵan tásildiń júıeli jáne ońtaıly emestigi atap ótildi.
Bul tujyrym máseleniń masshtaby men usynylǵan retteýdiń salystyrmaly emestigin, sheshim jobasynyń biryńǵaı kedendik retteý qaǵıdatyna sáıkes kelmeıtindigin eskere otyryp, sonymen qatar ónerkásiptik damý quraly retinde kedendik ákimshilendirýdiń shekteý sharalaryn qoldanýdyń oryndylyǵy týraly suraqtardyń bolýyna baılanysty jasaldy.
Jumys toby deklarasııada jáne taýarlardy shyǵarýǵa arnalǵan ótinimde aınalymy qadaǵalanatyn ónimder týraly aqparatty kedendik deklarasııa tapsyrǵanǵa deıin kórsetýdi reglamentteıtin EEK sheshimderiniń jobalaryn qoldady.
Sondaı-aq, EEK Keńesiniń transshekaralyq naryqtardaǵy básekelestiktiń jalpy erejelerin buzýǵa ákelýi múmkin áreketterdiń jol berilmeýi týraly eskertý berý tártibin bekitý týraly sheshiminiń jobasy talqylandy. Eskertý berý prosedýrasynyń rettelýi EEK-ke monopolııaǵa qarsy retteý salasyndaǵy Odaq zańnamasynyń buzylýyna jol bermeıtin taǵy bir qural usynady.
Medısınalyq maqsattaǵy buıymdardyń bıologııalyq áserin baǵalaý maqsatynda zertteýler (synaqtar) júrgizý qaǵıdalarynyń jańa redaksııasy jobasyn qaraý kezinde osyndaı zertteýlerdi uıymdastyrý men júrgizý prosedýralaryn jeńildetý, sondaı-aq medısınalyq maqsattaǵy buıymdardy óndirýshilerge Erejeler jobasynyń jańa redaksııasy kúshine engen kezde ótpeli kezeń berý týraly birqatar usynystar engizildi.
"Bes jarym jyl ishinde, jumys tobynyń júz otyrysy sheńberinde EEK sheshimderi jobalary boıynsha 320 tujyrym daıyndaldy, onda ulttyqtan tys retteýdiń sapasyn arttyrýǵa jáne Odaqta bıznes júrgizý jaǵdaılaryn jaqsartýǵa baǵyttalǵan myńnan astam eskertýler men usynystar bar", dep atap ótti Tımýr Jaqsylyqov.