Qurlyqtyq hokkeı lıgasynda (QHL) baq synaıtyn elordanyń «Barysy» turaqty birinshiliktegi kezekti oıynyn Iаroslavlde «Lokomotıv» klýbymen ótkizip, iri eseppen jeńilip qaldy.
Jasyratyny joq, bul matchta «Lokomotıvtiń» bas bapkeri Andreı Skabelka ózi eki jyl basqarǵan qazaqstandyq komandanyń osal tusyn taba bildi. Nátıjesinde, Iаroslavl komandasynyń oıynshylary óz aıdynynda ótken kezdesýde «Barys» qaqpasyna 7 shaıba soqty. Bul – elordalyq klýbtyń osy maýsymdaǵy eń iri jeńilisi.
Kezdesýdiń esebi nebári 11-sekýndta-aq ashyldy. О́tken maýsymda «Barysty» órge súırep, bul maýsymda «Lokomotıvtiń» namysyn qorǵap júrgen fınlıandııalyq qorǵaýshy Atte Ohtamaa kezdeısoq shaıba soǵyp kózge tústi. Al 2018/2019 jyly «Barys» klýbynda oınaǵan shvesııalyq shabýylshy Andre Petersson 18 jáne 31 mınýttarda «Barys» qapasyn eki márte dál kózdedi. Sondaı-aq «Lokomotıv» quramynan Egor Averın (4-mınýt), Denıs Alekseev (33-mınýt), Egor Korshkov (34-mınýt) jáne Vladımır Tkachıov (45-mınýt) óz esimderin tabloǵa jazdyrtty. Al «Barys» klýbynan bul oıynda Vıktor Svedberg (15-mınýt) pen komandaǵa jýyrda ǵana qosylǵan kanadalyq qorǵaýshy Dıllon Heterıngton (53-mınýtta) kózge tústi.
Elorda komandasy birinshiliktegi kelesi kezdesýin búgin Nıjnekamskiniń «Neftehımık» klýbymen ótkizedi. Budan keıingi úsh kezdesýi Qazaqstanda oınalady.