Ál-Farabı atyndaǵy QazUÝ-da Jýrnalıstıka fakýlteti Baspagerlik-redaktorlyq jáne dızaınerlik óner kafedrasynyń uıymdastyrýymen "Baspa, polıgrafııa jáne web-tehnologııalar júıesin oqytý-zertteý máseleleri" taqyrybynda halyqaralyq ǵylymı-tájirıbelik onlaın konferensııa ótti, dep habarlaıdy Egemen.kz.
Ustaz, bıblıograf-ǵalym, baspager, redaktor, fılologııa ǵylymdarynyńtkandıdaty, dosent Qońyr Muqataıqyzy Muqataevanyń 70 jasqa tolýyna oraı ótken shara aıasynda fotosýretter kórmesi uıymdastyrylyp, halyqaralyq konferensııa onlaın rejimde ótti.
Ýnıversıtettiń baspasz qyzmetiniń málimetinshe, Qońyr Muqataıqyzy Muqataeva – Qazaqstan Respýblıkasy Mádenıet salasynyń úzdigi, ustaz, bıblıograf-ǵalym, baspager, redaktor, fılologııa ǵylymdarynyń kandıdaty, dosent.
Qońyr Muqataıqyzy - 1950 jyly 8 qarashada Qaraǵandy oblysy Shet aýdany Aqjal kentinde dúnıege kelgen. 1968 jyly Aqjal orta mektebin bitirgennen keıin, S.M. Kırov atyndaǵy Qazaq Memlekettik ýnıversıtetiniń fılologııa fakýltetine túsip, 1974 jyly qazaq tili men ádebıeti mamandyǵy boıynsha bitirip shyqqan. Eńbek jolyn 1975 jyly Memlekettik kitap palatasynda bıblıograftan bastap, redaktor, bólim meńgerýshisi qyzmetterin atqarǵan. 1998 jylǵy qańtar aıynan Qazaqstan Respýblıkasy Ulttyq memlekettik kitap palatasynyń dırektorynyń orynbasary bolyp qyzmet atqardy.
Qońyr Muqataeva kóp jyldan beri elimizdiń memlekettik baspa isiniń damýyna, ulttyq bıblıografııa salasynyń órkendeýine, memlekettik aqparat saıasatynyń júzege asýyna eleýli úles qosyp keledi.