Orbis Kazakhstan kompanııalar tobynyń avtomobıldik bólimshesi Orbis Auto kompanııasy Almatyda Volkswagen jańa dılerlik ortalyǵy qurylysynyń bastalǵany týraly habarlady.
Avtoortalyqtyń ashylýy 2021 jyldyń shildesine belgilengen, ol qazaqstandyq avtoáýesqoılar arasynda baı tarıhy bar, nemis sapasyna degen senimdilik men qolaıly baǵanyń úılesimin beıneleıtin brendti tanymal etý jolynda mańyzdy ról atqarady. Desek te, búginniń ózinde Qazaqstandaǵy tutynýshylarǵa Volkswagen resmı dıleri usynatyn qyzmetter men servısterdiń tolyq spektri qol jetimdi, olardyń ishinde jeńil jáne kommersııalyq modelderdiń keńeıtilgen jelisinen avtomobılderdi tańdaý, treıd-ın jáne avtonesıeleý bar.
VW korporatıvtik standarttaryna qatań sáıkestikte salynǵan jańa dılerlik ortalyqtyń jalpy aýdany 3537 sh.m. quraıdy, onyń ishinde shoý-rýmnyń aýdany – 900 sh.m. Aýdany 996 sh.m. alańda Volkswagen Group shtab-páterimen maquldanǵan VW avtomobılderiniń sońǵy dıagnostıkalyq skanerimen, mamandandyrylǵan qural-jabdyqtarmen jabdyqtalǵan 15 beketke eseptelgen servıstik seh ornalasady. Jobaǵa avtorlyq Zebra Project dızaın-stýdııasyna tıesili. Bul kompanııa VW avtorlandyrylǵan jetkizýshisi jáne TMD elderindegi jańa dılerlik ortalyqtardyń barlyq jobalarynyń ázirleýshisi bolyp tabylady. Tıisinshe, bolashaq Almatydaǵy ortalyqtyń beınesinde brendtiń zamanaýı avtosalondarynyń «tanys sıpattary» baıqalady – jańa logotıp, jańa jıhaz, shoý-rýmdaǵy jıhaz ben jabdyqty ornalastyrýdyń jańa tujyrymdamasy, Volkswagen fırmalyq aksessýarlaryn satýǵa arnaıy bólingen oryndar. Almatydaǵy dılerlik ortalyqtyń qurylysyn Orbis Kazakhstan KT quramyna kiretin Orbis Construction kompanııasy júrgizedi. 900 sh.m. shoý-rýmǵa bir ýaqytta 13 jeńil jáne úsh kommersııalyq avtokólik syıady.
Servıs ortalyǵynyń klıentteri jóndeýge nemese tehnıkalyq qyzmet kórsetýge aldyn-ala jazylyp qana qoımaı, sonymen qatar servıske ınteraktıvti qabyldaý qyzmetin, jeke menedjerdiń kómegin ala alady. Kólik ıesi onlaın rejıminde jumys statýsyn jáne avtomobıl jaǵdaıy týraly aqparatty baqylaý múmkindigine ıe bolady. Avtosalonnyń «ózindik ereksheligi» Orbis KT avtoortalyqtaryndaǵy alǵashqy avtomatty jýý orny bolmaq, al onyń qyzmetterin kez kelgen klıent onyń avtomobıli qanshalyqty kúrdeli jóndeýdi talap etkenine qaramastan ala alady.
Volkswagen-niń úsh dılerlik ortalyǵy 2019 jyldyń qyrkúıeginde Orbis Auto portfeline kirip, VW avtoortalyqtarynyń sanyn tórtke deıin arttyrdy. Osy ýaqyt ishinde elimizdiń avtomobıl rıteıli kóshbasshylary biriniń kásibı komandasy brendtiń qazaqstandyq naryqtaǵy pozısııasyn aıtarlyqtaı kúsheıte aldy. Qazirgi ýaqytta jeńil avtomobılder segmentinde Orbis Auto úlesine Volkswagen brendi boıynsha satýdyń 72%-y, kommersııalyq tehnıka segmentinde – 63%-y tıesili. 2020 jyldyń qańtar-qyrkúıek aılarynda VW jeńil avtokólikteriniń satylymy 1198 birlikti qurady, bul ótken jyldyń sáıkes kezeńimen salystyrǵanda 184 avtomobılge artyq. Osy kezeń aralyǵynda kommersııalyq tehnıkany satý 51 birlikti qurady, bul ótken jylmen salystyrǵanda 38%-ǵa kóp.
Orbis Auto bas dırektory Dınara Ysqaqovanyń aıtýynsha, kompanııa Volkswagen-niń Qazaqstandaǵy pozısııasyn nyǵaıtý úshin aldaǵy ýaqytta da qoldan kelgenniń bárin jasaýǵa nıetti. «Biz brendtiń kúshine senemiz jáne Volkswagen avtomobılderiniń senimdilik pen joǵary sapanyń belgisi retinde ondaǵan jyldar ishinde qalyptasqan bedeli qazaqstandyq naryqta ilgerileýde oń qyzmet atqaratynyna senimdimiz. Biz óz tarapymyzdan dılerlik jelini damytýǵa ınvestısııa salýǵa, brendtiń avtoortalyqtaryndaǵy qyzmetterdiń sapasyn arttyrýǵa, klıenttik servısti jaqsartý úshin eńbek etýge daıynbyz», - dedi Dınara Ysqaqova.
Kompanııa Volkswagen dılerlik ortalyqtarynyń barlyq qyzmetteriniń jumysyn únemi jetildirip otyrady jáne atqarylǵan jumystyń nátıjeleri Almatydaǵy ortalyqtyń bıznes-modeline engiziletin bolady. Osylaısha, bólimderdiń qurylymy brendtiń korporatıvtik saıasatyna sáıkes qurylǵan, qyzmetkerlerdi oqytý únemi júrgiziledi, kompanııa satý, servıs jáne marketıng máseleleri boıynsha Volkswagen óńirlik menedjerlerimen tyǵyz yntymaqtasady. Volkswagen dılerlik ortalyǵynda qyzmet kórsetýdiń barlyq kezeńderinde sapany baqylaý men servısti baǵalaýdy engizý josparlanýda. Qorytyndy baǵa kóbinese klıenttiń qyzmet kórsetý sapasyna qanaǵattanatyndyǵyna jáne qyzmetterdi dostaryna usynatyndyǵyna baılanysty bolmaq.
Jańa dılerlik ortalyqtyń barlyq qyzmetkerleri kásiptik oqýdy aıaqtaǵannan keıin sertıfıkattarǵa ıe bolady. Búgingi tańda satý bólimi qyzmetkerleriniń 62% sertıfıkattalǵan, jyl sońyna deıin bul kórsetkish 80%-ǵa deıin ósedi. Satýdan keıingi qyzmet kórsetý bóliminiń qyzmetkerleri 2021 jyldyń mamyr-maýsymyna deıin oqýyn aıaqtap, sertıfıkattar alady.
Volkswagen-diń Qazaqstan naryǵynda qatysýyn kúsheıtý Almatydaǵy dılerlik ortalyqtyń qurylysymen shektelmeıdi. Orbis Auto satý jelisin keńeıtýge $10 mln jeke qarajatyn saldy: $4 mln Almaty men Nur-Sultanda dılerlik ortalyqtardyń qurylysyna ınvestısııalandy, taǵy $1 mln brendtiń standarttaryna sáıkes kompanııanyń Oral men Atyraýdaǵy óńirlik dılerlik ortalyqtaryn tolyq qaıta qurýǵa jumsalyndy. Qosymsha eki satý núktesi, Almaty men Nur-Sultanda pop-up store formatyndaǵy ortalyqtar salyndy.
2021 jylǵa qaraı, Volkswagen dılerleri avtomobıl brendiniń sońǵy bes jyldaǵy eń keń modeldik qataryn, sonyń ishinde sońǵy jańalyqtardy usynady. О́z tańdaýyn «halyq avtokóligine» jasaǵan qazaqstandyq avtoáýesqoılar burynǵy jyldary shyǵarylǵan modeldermen qatar, endi New Polo, New Jetta, New Passat satyp ala alady. Kommersııalyq tehnıka segmentinde tolyq jańartylǵan T6.1 jelisi bar, sonymen qatar Crafter modeli Qazaqstanda resmı túrde qol jetimdi. Avtokólik satyp alýdy josparlaǵandar úshin dıler dıstrıbıýtormen jáne ekinshi deńgeıdegi banktermen birlesip, biregeı qarjy ónimderin ázirleıdi jáne engizedi. Volkswagen avtosalondarynda alǵash ret jańa avtokólikke aıyrbastaý kezinde paıdany qoldaıtyn Trade-In baǵdarlamasy usynyldy.
2020 jyldyń sońyna deıin, Orbis Auto Volkswagen brendimen jeńil avtomobılder segmentindegi óz úlesin 75%-ǵa deıin kóterip, 1600 avtokólikti satý nátıjesimen, al kommersııalyq tehnıka segmentinde – 70%-ǵa deıin ulǵaıtyp, 80 avtomobıldi satý kórsetkishimen jyldy aıaqtaýdy josparlap otyr. 2021 jyldyń shildesine Almaty men Nur-Sultanda dılerlik ortalyqtardyń qurylysyn aıaqtaý jáne ashý belgilengen. Qazaqstan naryǵy VW-niń jańalyqtarynsyz qalmaıdy: osy jyldyń sońynda – kelesi jyldyń basynda dılerlik ortalyqtarǵa New Tiguan, al 2021 jyldyń ekinshi jartysynda – New-Terramont túsedi. Kommersııalyq tehnıka jelisi jańarǵan Transporter, Caravelle jáne Multivan tolyqtyrylady.