Bıylǵy jylytý maýsymynda elordadaǵy birqatar eldi-meken gazǵa kóshirile bastaı̆dy. Bul týraly Nur-Sultan qalasynyń ákimi Instagram paraqshasynda jazdy, dep habarlaıdy Egemen.kz.
"Elordada 16 eldi-meken bar. Olardy ortalyqtandyrylǵan damytýdan basqa, aýyz sý, káriz, jaryqtandyrý, joldar salý jáne t.b. máselelerdi sheshý qajet. Aýdan turǵyndary jaryqtandyrý, nóser jáne sharýashylyq nájis kárizderin júrgizý, ınternet, gazdandyrý, joldardy, trotýarlardy asfalttaý jáne t.b. sııaqty ınfraqurylym máselelerin kóterdi", dep jazdy A.Kólginov.
Onyń aıtýynsha, jaryqtandyrý, aıaldamalar ornatý, avtobýs marshrýttarynyń qosymsha sanyn iske qosý birinshi kezekte jasalady.
"Turǵyndarda ortalyqtandyrylǵan aýyz sý berilmegenin eskere otyryp, biz magıstraldy sý qubyrynyń qurylysyn bastadyq. Magıstraldy sý qubyry aıaqtalǵannan keı̆in, kvartalishilik jelilerdi úı̆lerge ótkizýge kirisemiz. Bul jumystardy 2021 jyly aıaqtaýdy josparlap otyrmyz. Joldardy asfalttaýǵa kirispes buryn, káriz jáne gazdandyrý jumystaryn aıaqtaı̆myz. Bıylǵy jylytý maýsymynda birqatar eldi-mekender gazǵa kóshirile bastaı̆dy. Prosess birneshe kezeńge bólingen. Aı̆tylǵan kezdesýde turǵyndar kótergen máseleler josparǵa alyndy.Osyndaı̆ kezdesýlerdi barlyq eldi-mekenderde ótkizip, qala turǵyndarynyń usynystaryn qalany damytý josparyna engizemiz. Turǵyn úı̆ alaptaryn damytý máselesi Memleket basshysynyń baqylaýynda", dep jazdy ákim.