Búginnen bastap elorda mektepterinde ekinshi toqsan bastaldy. Nur-Sultan qalasynyń bilim basqarmasy atap ótkendeı, elordanyń bas memlekettik sanıtarlyq dárigeriniń qaýlysyna sáıkes, oqytý formatyna birqatar ózgeris engizildi, dep habarlaıdy Egemen.kz.
Osylaısha besinshi synyp oqýshylary úshin de kezekshi synyptar uıymdastyryldy. Buryn ata-analarynyń qalaýy boıynsha mektepke 1-den 4-synypqa deıingi balalar ǵana bara alatyn. Sonymen qatar halyqaralyq bilim berý mekemelerinde birinshi synyptan jetinshi synypqa deıingi oqýshylar oqýǵa jiberildi.
"Mektepter teplovızorlar, dezınfeksııalyq tósenishter, barlyq qajetti dezınfeksııalyq quraldarmen jabdyqtalǵan. Ata-analar ǵımaratqa kirmeı, balalaryn mektepke alyp kelýi kerek. Balanyń temperatýrasy kire beriste ólshenedi, antıseptıkpen qoldy mindetti túrde óńdeý, maska taǵý kerek", - dep túsindirdi bilim basqarmasy.
Sonymen qatar sanıtarlyq dárigerdiń buıryǵymen bir bala COVID-19 aýrýymen aýyrǵan jaǵdaıda búkil mektep qashyqtan oqytýǵa kóshetini kórsetilgen. Kezekshi synypqa qatysý ata-analardyń qalaýy boıynsha júzege asyrylady. Ekinshi toqsanda elordada 3341 kezekshi synyp quryldy, olarda 47 945 bala oqıdy.