Italııada táýligine koronavırýs ınfeksııasyn juqtyrǵandardyń sany 41 myńǵa artty. COVID-19-ben aýyrǵan 550 naýqas qaıtys boldy. Kampanııa jáne Toskana oblystary «qyzyl aımaqqa» endi. Elde «qyzǵylt sary aımaqtardyń» qatary da keńeıip keledi.
Ispanııada sońǵy táýlik ishinde 21 myńnan astam koronavırýs juqtyrǵan adam anyqtaldy. Syrqattaný kórsetkishi artyp, el úkimeti belgilegen shekteýden asyp ketken. Ulybrıtanııa aýrýhanalarynda 15 myńǵa jýyq adam emdelip jatyr. Bul elde koronavırýstyń kóbeıýi báseńdegen. El bıligi vırýstyń taralý jyldamdyǵy tómendeı bastaǵanyna qaramastan, shekteýlerdiń jeńildetilýi bul úrdiske teris áser etýi múmkin dep esepteıdi.
Fransııada aýyr naýqastar sany 5 myńǵa jýyqtady. Jalpy, elde aýyr naýqastarǵa arnalǵan 7700 tósek bar. Olardyń úshten ekisi tolǵan. Bılik ókilderi qajettilik týyndasa, eldegi qarqyndy terapııadaǵy oryndardyń sanyn 10400-ge deıin kóbeıtýge múmkindik bar dep otyr. El úkimeti karantındik sharalardyń jeńildetilmeıtindigin jetkizdi.
Aýstrııada qaıtadan jappaı karantın engizildi. Seısenbiden bastap dalaǵa tek naqty sebeptermen shyǵýǵa ruqsat. Mektepter qashyqtan oqytýǵa kóshedi, qyzmet kórsetý kásiporyndary men dúkenderdiń kópshiligi jabylady.