Bul kúnderi AQSh-ta tennısten Chellendjer sanatyna jatatyn halqaralyq týrnır ótip jatyr, - dep habarlaıdy Egemen.kz
Aıtýly jarysty álemdik reıtıngte 172 orynda turǵan qazaqstandyq tennısshi Dmıtrıı Popko sátti bastady. Tusaýkeser kezdesýinde ol ATR tiziminde 245 satyǵa jaıǵasqan 24 jastaǵy kort qojaıyny Noa Rýbınmen sheberlik baıqasty. Bul básekede jerlesimizdiń ústemdigi esh kúmán týǵyzǵan joq. Eki settik saıys 6:1, 6:2 esebimen aıaqtaldy. Ekinshi kezeńde Popko taǵy bir amerıkalyq oıynshy Zakarı Svaıdamen kúsh synasady.
Juptyq synda Qazaqstannyń ókili kanadalyq Pıter Polanskımen birge óner kórsetýde. Alǵashqy aınylmda olar AQSh tennısshileri Brendon Nakashıma/Krıstofer Iýbenks jubymen kezdesedi. Sondaı-aq, Andreı Golýbev pen Aleksandr Nedovesov te osy jarysta baq synaıdy.