Bul kúnderi Perýdyń astanasy – Lımada aýyr atletıkadan jasóspirimder arasynda online formaty boıynsha álem kýbogy jolyndaǵy jarys ótip jatyr, dep habarlaıdy Egemen.kz.
Ońtústik Amerıkadan qýanyshty habar jetti. Sol jarysta 102 kılo salmaq dárejesinde óner kórsetken qazaqtyń asa daryndy ziltemirshisi Bekbolat Rahat asqan sheberlik tanytyp, dúıim jurttyń nazaryn ózine aýdardy. Qossaıystyń qorytyndysy boıynsha 319 (140+179) kılolyq nátıjemen ol bas júldeni oljalady. Qandasymyz kúmis medaldi ıelengen ázirbaıjandyq Álı Shúkirliden baqandaı toǵyz kılo artyq salmaqty eńserdi. Qap taýy qyranynyń kórsetkishi – 310 (145+165) kılo. Qola medal Shımon Zıýlkovskıge buıyrdy. Polshanyń ókili 301 (139+162) kelilik ziltemirdi tik kóterdi.
Esterińizge sala keteıik, osy kúnge deıin álem kýbogynda Qazaqstannyń jasóspirimder quramasy eki júlde alǵan edi. Atap aıtsaq, Abylaı Áýelhanov altyn tuǵyrǵa kóterilse, Gúlnur Ybyraı qolaǵa qol sozdy.