EEK QHR-dan ákelinetin júk shınalaryna arnalǵan dempıngke qarsy bajdyń qoldanylýyn qaıtadan tergep-tekserý aıaqtalǵanǵa deıin uzartty, dep habarlaıdy Egemen.kz EEK baspasóz qyzmeti taratqan derekterge silteme jasap.
Eýrazııalyq ekonomıkalyq komıssııa (EEK) Alqasy QHR-dan ákelinetin júk shınalaryna qatysty dempıngke qarsy sharanyń kúshin 2021 jylǵy tamyzǵa deıin uzartý týraly sheshim qabyldady.
Qoldanystaǵy shara 2020 jylǵy 17 jeltoqsanda aıaqtalýǵa tıis bolatyn. Alaıda EEK-tiń Ishki naryqty qorǵaý departamentine belgilengen merzimde qaıtadan dempıngke qarsy tergep-tekserý júrgizý týraly ótinish tústi. Qujattarda usynylǵan málimetter dempıngtik ımportty jalǵastyrý múmkindigi týraly, sondaı-aq eger dempıngke qarsy sharanyń kúshi toqtatylatyn bolsa, EAEO memleketter ekonomıkasyna nuqsan kelýi jaıynda aldyn ala tujyrym jasaýǵa múmkindik berdi. О́tinishti qaraý nátıjeleri boıynsha 2020 jylǵy 19 tamyzda qaıtadan tergep-tekserý bastaldy.
Dempıngke qarsy shara kúshiniń ótý merzimin nazarǵa ala otyryp, sondaı-aq qaıtadan dempıngke qarsy tergep-tekserý 12 aı ishinde aıaqtalýǵa tıis ekendigi eskerile kelip, sharanyń qoldanylýyn qosa alǵanda 2021 jylǵy 18 tamyzǵa deıin uzartý uıǵaryldy.