Keshe, 17 qarashada Almaty qalasy boıynsha monıtorıng toptar karantındik sharalardyń saqtalýyn baqylaý maqsatynda 27 nysandy qamtyp, karantındik shekteý sharalaryna moıynusynbaǵan 6 nysandy anyqtady, dep habarlaıdy Egemen.kz.
Qazirgi ýaqytta qala boıynsha 32 monıtorıngtik top jumys isteıdi.
Almaly aýdanynyń monıtorıngtik toptary Seıfýllın dańǵyly, 483 mekenjaıyndaǵy "Mega Park" SOO-ǵy koreı meıramhanasynyń 22.00-den keıin jumys rejımin buzǵanyn anyqtady.
Bostandyq aýdanynda kelesi buzýshylyqtarmen tórt nysan anyqtaldy:
– Mustafın k. 56/1 mekenjaıy boıynsha "CTR Chiken Almaty" tez tamaqtaný dámhanasy – saǵat 22.00-den keıin jumys rejıminiń buzylýy;
– Mustafın k. 56/8 mekenjaıy boıynsha Red Dragon fastfýd ónimderiniń dúkenderi men dúńgirshekter jelisi – saǵat 22.00-den keıin jumys rejıminiń buzylýy;
– Mustafın k. 56/2 mekenjaıy boıynsha Salam bro tez tamaqtanýdyń dámhanalar jáne dúńgirshekter jelisi – saǵat 22.00-den keıin jumys rejıminiń buzylýy;
– Naýryzbaı batyr k. 125 mekenjaıy boıynsha "Playstation" oıyn klýby – nysan tyıym salynǵanyna qaramastan qyzmet etken.
Medeý aýdanynda Dostyq dańǵyly, 87a mekenjaıyndaǵy "Venezia" meıramhanasynda saǵat 22.00-den keıin jumys rejıminiń buzylýy anyqtaldy.
Zańdy tulǵalarǵa qatysty anyqtalǵan zańbuzýshylyqtar boıynsha QR ÁQBtK-niń 425-babynyń 1-bóligine sáıkes sharalar qabyldanatyn bolady.
Ákimdik almatylyqtardy jáne qala qonaqtaryn múmkindiginshe adamdar kóp jınalatyn oryndarǵa, ásirese megapolıstiń memlekettik bas sanıtar dárigeriniń qaýlysyn buzyp, qyzmetin jalǵastyryp kele jatqan mekemelerge barýdan aýlaq bolýǵa shaqyrady. Kásipkerlik sýbektilerine sanıtarlyq-epıdemııalyq talaptar: belgilengen jumys rejimin, áleýmettik qashyqtyq jáne betperde rejımin saqtaý, qyzmetkerlerdi qorǵanysh quraldarymen qamtamasyz etý, termometrııa júrgizý, dezınfeksııalyq quraldardy ornatý talaptarynyń tolyqtaı saqtalýyn qamtamasyz etý qajet.
ALMATY