Osydan dál 51 jyl buryn, ıaǵnı 1969 jyldyń 19 qarashasynda Brazılııanyń dańqty fýtbolshysy Pele óziniń sporttyq karerasyndaǵy 1 000-shy golyn soqty.
Dál sol kúni áıgili «Marakana» stadıonynda «Santos» pen «Vasko da Gama» kezdesti. Eki komanda da bul matchqa óte jaqsy daıyndyqpen keldi. Kópshilik kútkendeı, asa shıelenisti ótken básekede tarazy basy uzaq ýaqyt boıy teńselip turdy. Esep – 1:1. Oıynnyń 73-mınýtynda «Vasko da Gamanyń» qorǵaýshylary ózderiniń aıyp alańynda Klodoaldony shalyp jyqty. Tóreshi esh kidirmesten 11 metrlik núkteni meńzedi. Qarsy jaq narazylyq bildirgenimen, qazy óz sheshimin ózgertken joq. Núktege Pele keldi. Ol oń buryshty nysanaǵa aldy. Qaqpashy doptyń baǵytyn dál tapqanymen, ony keri qaıtara almady.
Sóıtip, fýtbol koroli 29 jasynda óziniń 1 000-shy golyn soqty. Bul kún «Peleniń kúni» degen ataýmen tarıhta qaldy.