Qazaqstanda maqta jınaý naýqany aıaqtalýda, - dep habarlaıdy Egemen.kz Aýyl sharýashylyǵy mınıstrliginiń baspasóz qyzmetine silteme jasap.
Qazirgi ýaqytta 316 myń tonna shıtti maqta nemese josparlanǵan kólemniń 95% jınaldy. Ortasha ónimdilik gektaryna 24,3 s qurady, ónimniń 84%-y kombaındardyń kómegimen jınaldy.
О́nimdilik boıynsha Túrkistan oblysynyń Ordabasy (30,2 s/ga) jáne Maqtaaral (25,0 s/ga) aýdandary kósh bastap tur.
Sharýalar ósirilgen jáne jınalǵan ónimdi 18 maqta óńdeý zaýytynyń 166 qabyldaý pýnktine ótkizýde.
Aıta ketý kerek, bıyl ártaraptandyrýǵa baılanysty maqta daqyldaryna arnalǵan egis alqaptary 5,5 myń gektarǵa azaıtyldy. Nátıjesinde 131,2-den 125,8 myń gektarǵa deıin qysqardy. Bul baǵanyń ósýine yqpal etti. Qazir shıtti maqta tonnasyna orta eseppen 160-165 myń teńgeden qabyldanýda. О́tken jylmen salystyrǵanda 25%-ǵa ósti. Byltyr 130 myń teńgeden baǵalanǵan bolatyn.
Baǵanyń ósýi maqta ósirýmen aınalysatyn 125 myń qazaqstandyqtyń áleýmettik-ekonomıkalyq jaǵdaıyn jaqsartýǵa múmkindik berdi.
Buryn habarlanǵandaı, maqta sharýashylyǵyn qoldaý úshin memleket aǵymdaǵy jyly tómendetilgen baǵamen 76 myń tonnadan astam janar-jaǵarmaı, sondaı-aq myń tonna tuqym, 80 myń tonnaǵa jýyq mıneraldy tyńaıtqyshtar, 183 myń lıtr pestısıdter jáne zııankesterge qarsy qoldanylatyn 207 myń birlik bıoagentter bóldi.
Jalpy alǵanda, 2020 jyly QR Úkimeti men Aýyl sharýashylyǵy mınıstrligi 30 myń aýyl sharýashylyǵy óndirýshilerine qoldaý kórsetti. Sonymen qatar, jalpy quny 6 mlrd teńge bolatyn 891 aýyl sharýashylyǵy tehnıkasy úshin 1,2 mlrd teńge ınvestısııalyq sýbsıdııa tólendi.