Nur-Sultan qalasynyń jumyspen qamtý jáne áleýmettik qorǵaý basqarmasymen qatty otyndy satyp alýǵa áleýmettik kómek tólenedi. Bul týraly qala ákimdiginiń baspasóz qyzmeti habarlady.
Áleýmettik tólem 4 eń tómen kúnkóris deńgeıinen aspaıtyn (shamamen 160 myń teńge) jan basyna shaqqandaǵy tabysy bolǵan jaǵdaıda basqa turǵyn úıi joq, jergilikti (peshtik) jylytatyn jeke turǵyn úıde turatyn, onyń jeke menshik ıesi (jalǵa alýshysy) nemese jeke menshik ıesiniń otbasy músheleri (jalǵa alýshysy) bolyp tabylatyn jasy boıynsha zeınetkerlerge, múgedekterge, múgedek balalarǵa jáne kóp balaly otbasylarǵa júrgiziledi.
О́temaqy jylytý maýsymyna 16 aılyq eseptik kórsetkish kóleminde júrgiziledi ( 44 448 teńge). Qatty otyndy satyp alýǵa ótemaqy alýǵa quqyǵy bar birneshe adam bir jeke menshik turǵyn úıde turǵan jaǵdaıda, ótemaqy tek qana bireýine beriledi.
Karantın sharalaryn saqtaý maqsatynda (15 qazannan 30 sáýirge deıin) jylý berý kezeńinde áleýmettik kómek alýǵa ótinish berýshi elektrondy úkimettiń veb-portaly (egov.kz) arqyly kelesi qujattar qosa berilgen ótinishpen júginýge bolady:
1) jeke basyn kýálandyratyn qujattyń kóshirmesi;
2) adamnyń (otbasynyń) quramy týraly málimetter;
3) jıyntyq tabysyn esepteý qaǵıdasyna sáıkes adamnyń (otbasy músheleriniń) tabysy týraly málimetter;
4) zeınetkerlik kýáliginiń kóshirmesi – zeınetkerler úshin, múgedektigi jónindegi anyqtamasynyń kóshirmesi – múgedekter úshin;
5) Qazaqstan Respýblıkasy Ádilet mınıstrliginiń aýmaqtyq organy bergen jyljymaıtyn múlikke tirkelgen quqyǵynyń bolmaýy (bolýy) jónindegi anyqtama.
6) banktik shot týraly málimet.
Suraqtaryńyz bolsa kelesi baılanys telefondary arqyly habarlasýyńyzǵa bolady:- Fılaretova Inna Iýrevna Almaty aýdany boıynsha áleýmettik tólemder taǵaıyndaý bóliminiń basshysy - 8 702 158 08 53;
- Januzaqova Quralaı Serikqyzy Baıqońyr aýdany boıynsha áleýmettik tólemder taǵaıyndaý bóliminiń basshysy - 8 705 468 50 01;
- Júndibaeva Nurgúl Qasymjanqyzy Esil aýdany boıynsha áleýmettik tólemder taǵaıyndaý bóliminiń basshysy - 8 702 433 93 36;
- Stanbaeva Saltanat Dúısenqyzy Saryarqa aýdany boıynsha áleýmettik tólemder taǵaıyndaý bóliminiń basshysy - 8 702 961 09 68.