Koronavırýs pandemııasyna baılanysty onlaın-formatta ótetin 18-shi "Junior Eurovision" halyqaralyq án baıqaýynyń grand-fınalyna 10 kún qaldy. Bıylǵy jyly baıqaýda álemniń 12 elinen 9-14 jas aralyǵyndaǵy jas vokalıster baq synaıtyn bolady. Fınaldyq shoýdy 29 qarasha kúni saǵat 22.00-de "Habar" arnasy tikeleı efırde kórsetedi, dep habarlaıdy Egemen.kz
Bıyl saıysta Qazaqstannyń namysyn Almaty oblysy, Rysqulov aýylynan kelgen 12 jasar Qaraqat Bashanova qorǵaıdy. Ol qyrkúıek aıynda ótken Ulttyq irikteý kezeńinde qazylar alqasynyń baǵalaý qorytyndysy jáne telekórermenderdiń SMS-daýys berý nátıjeleri boıynsha jeńiske jetti.
Qaraqat án aıtýdy 5 jasynan bastaǵan, 9 jasynan vokalmen kásibı túrde shuǵyldanady. Búgingi tańda Kúlásh Baıseıitova atyndaǵy daryndy balalarǵa arnalǵan mektepte oqıdy. Ol kóptegen respýblıkalyq balalar baıqaýynyń jeńimpazy atanǵan, skrıpka men pıanıno aspaptarynda oınaıdy.
Junior Eurovision saıysynyń grand-fınalynda jas ánshi bes jyl buryn baqılyq bolǵan ákesine arnaıy shyǵarylǵan "Forever" ánin oryndaıdy. Kompozısııany Erjan Maksımniń "Armanyńnan qalma" atty ániniń avtory, ataqty sazger Hamıt Shanǵalıev jazdy. Al, ánniń beınebaıanynyń avtory ataqty qazaqstandyq ssenarıst jáne rejısser Málik Zeńger.
2020 jylǵy Junior Eurovision saıysyna Belarýs, Fransııa, Grýzııa, Qazaqstan, Malta, Nıderlandy, Reseı, Serbııa, Ispanııa, Ýkraına, Polsha jáne Germanııa elderiniń ánshileri qatysady.
18-shi «Junior Eurovision» án baıqaýynyń jeńimpazy qazylar alqasynyń daýys berýi jáne onlaın-daýys berý arqyly anyqtalady. Daýys berý júıesi qalyptasqan dástúr boıynsha: 50% qazylar alqasynyń sheshimi jáne 50% onlaın daýys berý arqyly júzege asady. Daýys berý tegin negizde 2 kezeńnen turady.
Daýys berýdiń birinshi kezeńi 28 qarashada saǵat 01:00-de ashylady jáne 29 qarashada konkýrs fınalynyń tikeleı kórsetilimi bastalǵanǵa deıin jalǵasady.
Daýys berýdiń ekinshi kezeńi barlyq qatysýshylardyń qoıylymynan keıin bastalyp, 15 mınýtqa sozylady.
Kórermenderdiń daýys berýi úshin kelesi áreketterdi oryndaý qajet:
junioreurovision.tv nemese www.jesc.tv saıtyna kirý; Baıqaýdyń barlyq qatysýshylarynyń kompozısııalarymen qysqasha beınerolıkti qarap shyǵý; Beınerolıkti kórgennen keıin daýys berý terezesi ashylady. Sizdiń pikirińizshe eń úzdik bolǵan úsh qatysýshyny tańdaý; Paraqshanyń sońyndaǵy "Meniń daýystarymdy qabyldaý" nemese "Submit my votes" belgishesin basý.Qazaqstan alǵash ret "Balalar Evrovıdenıesi" atty tanymal án baıqaýyna qatysýǵa joldamany 2018 jyly alǵanyn eske sala keteıik. Halyqaralyq baıqaýdaǵy Qazaqstannyń debıýti altynshy orynǵa ıe bolǵan jas ánshi Danelııa Tóleshovanyń "О́zińe sen" áninen bastaý aldy. 2019 jyly Erjan Maksım "Armanyńnan qalma" ánimen ekinshi oryndy (qazylar alqasynyń sheshimi boıynsha birinshi) ıelendi. Qazaqstannyń bul halyqaralyq baıqaýǵa úshinshi ret qatysýy "Habar" Agenttiginiń Eýropalyq habar taratý odaǵynyń (EBU) qaýymdasqan múshesi bolýynyń arqasynda múmkin boldy.