«О́ńir ákimdikteri eki apta merzimde barlyq konkýrstyq rásimdi ótkizip, jóndeý jumystaryna naqty kirisýi qajet. Eshqandaı basy artyq bıýrokratııa bolmaýy kerek. Jylýmen qamtamasyz etý nysandaryn jóndeý jumystaryn tamyz aıynyń sońynan keshiktirmeı aıaqtaý qajet. О́nerkásip jáne qurylys mınıstrligi, óńir ákimdikteri 1 qyrkúıekke deıin bilim berý jáne densaýlyq saqtaý nysandarynyń tolyǵymen daıyn bolýyn qamtamasyz etsin», dedi Oljas Bektenov.
Energetıkalyq jáne kommýnaldyq ınfraqurylymdy jańǵyrtýǵa qansha qarjy jumsalady?
Sondaı-aq Úkimet basshysy jylý berý maýsymyna daıyndyq aımaqtardyń klımattyq erekshelikterin eskere otyryp jáne belgilengen merzimde júrgizilýi kerek ekenin jetkizdi.
«Soltústik, ortalyq jáne shyǵys óńirlerde barlyq ınjenerlik ınfraqurylym men turǵyn úı-kommýnaldyq sharýashylyq nysandary 15 qyrkúıekke deıin, al qalǵan óńirlerde 15 qazanǵa deıin tolyq ázir bolýy tıis. Ákimderge jylý nysandaryna turaqty negizde baryp, jaǵdaıdy jeke baqylaýǵa alýdy tapsyramyn», dedi Premer-mınıstr.
«Samuryq-Energo» 111 jabdyq pen 19,5 km jylý magıstraline jóndeý júrgizedi
Oljas Bektenov óz sózinde energetıka nysandarynda jóndeý jumystarynyń kólemi men olardy qarjylandyrýdy qysqartýǵa tyıym salynatynyn aıtty.
«Energetıka mınıstrligimen birlesip, «KEGOC» kompanııasy 25 mamyrǵa deıin ulttyq mańyzy bar stansalarǵa arnalǵan jabdyqtardyń jumys rejımderin bekitýi kerek. Jumystardyń kólemi men olardy qarjylandyrýdy qysqartýǵa tyıym salamyn. Árbir fakt boıynsha menshik ıelerine, sol sııaqty basqarýshy kompanııalarǵa qatysty sharalar qabyldanady», dedi Oljas Bektenov.
Qazaqstanda 5 jylý elektr ortalyǵy «qyzyl» aımaqtan shyqty