Ult saýlyǵy urlanbaýy tıis

Ataı keteıik, 16 qarashada bir­lesken buıryqqa qol qoıyl­ǵan bolatyn. Sonyń aıasynda jumys toby 2020 jylǵy 17 qa­ra­shadan 25 jeltoqsanǵa de­ıin atalǵan mınıstrliktiń uıymdas­tyrýshylyq-basqarýshylyq qyz­metinde sybaılas jemqorlyq táýekelderine taldaý júrgiziletin bolady. M.Shoranov atap ót­kendeı, densaýlyq saqtaýdy damytý – memlekettiń áleý­met­tik saıasatynyń negizgi basym­dyqtarynyń biri. Otandas­tary­myzdyń ál-aýqatynyń tiregi re­tinde medısınalyq qyzmet­ter­diń qoljetimdiligi men sapasyna memleket erekshe kóńil bóledi.

Sybaılas jemqorlyqqa qar­sy is-qımyl agenttigi tóraǵasynyń birinshi orynbasary O.Bektenov densaýlyq saqtaý salasynda sybaılas jemqorlyq táýekelderiniń keń aýqymy saqtalyp otyrǵanyn atap ótti. «Buǵan quqyqtyq statıs­tıka men Agenttiktiń «SQ Far­­masııada», Áleýmettik medı­sı­na­lyq saqtandyrý qorynda (2020 jyly), Dárilik zattar men medı­sınalyq maqsattaǵy buıym­dardy saraptaý ulttyq orta­lyǵynda (2019 jyly) júrgiz­gen syrtqy tal­daýlarynyń nátı­je­leri dálel bo­la alady», deıdi O.Bektenov.

Jaǵdaıǵa tolyq kóz jetkizý úshin ortalyq organda jáne kelesi jyly eki komıtette (Medısına­lyq jáne farmasevtıkalyq baqy­laý, sanıtarlyq-epıdemıologııa­lyq baqylaý) taldaý júrgiziledi. Syrt­qy taldaý nátıjeleri bo­ıynsha jemqorlyq quqyq buzý­shylyqtar jasaýǵa yqpal etetin sebepter men jaǵdaılardy joıý jónindegi usynymdar men is-sha­ralar jospary ázirlenedi.

«Mınıstrlik ashyqtyq, aı­qyn­­­dylyq jáne obektıvtilik ar­­qyly densaýlyq saqtaý júıe­sin­degi yqtımal sybaılas jem­qor­­lyq táýekelderin azaıtýǵa já­ne joıýǵa múddeli. Sonymen qa­tar biz jańa birlesken jobalardy júzege asy­rýǵa daıynbyz», dep sen­dirdi birinshi vıse-mınıstr.

Jurtshylyqty taldaý júrgi­zýge keńinen tartý oń qyrynan atap ótildi. Tekseriletin sala boıynsha máseleler men usynystar, sondaı-aq sybaılas jemqorlyq­qa áser etetin sebepter men jaǵ­daılar týraly málimetterdi a.karipova@anticorruption.gov.kz elektrondyq meken-jaıyna ji­berýge bolady. Bul aqparat sybaılas jemqorlyq táýekelderin joıý boıynsha usy­nymdar ázirleý úshin paıdalanylady. Al sybaılas jem­qorlyq jaǵdaılary týraly qandaı da bir aqparat bolatyn bolsa 24/7 rejiminde jumys isteıtin 1424 call-ortalyǵyna ha­barlasý qajet.