«Eko-Sergek» tabıǵatty qorǵaýǵa septesedi

Ile-Alataý qatty tur­mys­­­tyq qaldyqtardy bólek jı­naýdyń ınfraqurylymyn tolyqqandy jasaqtaǵan Qa­zaqstandaǵy alǵashqy ulttyq park bolyp otyr. Ekologııa, geologııa jáne tabıǵı resýrstar mınıstrliginiń tapsyrmasymen qoryq aýmaǵynda barlyǵy 31 jańa qaldyq alańdary ornatylyp, О́KM Operatory 225 konteıner qoıǵan. Sondaı-aq qurǵaq jáne dymqyl qaldyqty eki bólek salyp áketý úshin eli­mizde balamasy joq kóliktik tehnıka qurastyryldy.

«2019 jyly Ulttyq park­ke 300 901 adam keldi. Bul kór­setkish artady dep kútilýde. Son­dyqtan 2030 jylǵa deıin park aýmaǵyndaǵy qatty tur­mystyq qaldyqtardy su­ryp­taý deńgeıin 85%-ǵa deıin jet­kizýdi josparlap otyrmyz. Qaldyq alańdary Alma-Ara­san, Muztaý, Qımasar, Aq­qaıyń, Qaskeleń, Aqsaı, Esik, Túr­gen jáne t.b. shatqal­dar­da or­natyldy», – dep atap ótti «Ile-Alataý» MUTP Bas dırektory Damır Malgeldıev.

Ekologııa vıse-mınıstri Erlan Nysanbaev ulttyq park aýmaǵynda 30 «Eko-Sergek» kamerasy ornatylatynyn habarlady. Bul joba jergilikti ákim­dikpen birge júzege asy­rylmaq.

– Biz azamattarymyzdyń tabıǵatta ózderin ustaý máde­nıetine qarap, osyndaı sharalar qabyldaýǵa májbúrmiz. Ke­lýshiler jıi qoqys qaldyrady, temeki tu­qylyn tastaıdy, jaqqan otty óshirmeı, órtke sebep­ker bolady. Vandalızm fak­tileri de kezdesedi. Árıne, «Eko-Sergekti» engizýdegi bas­ty maqsatymyz aıyppul salý emes, tabıǵat anany qorǵaý, túsindirý jumystaryn júrgizý – dedi Erlan Nysanbaev.

Beınebaqylaý quryl­ǵy­lary tek týrısterdi tár­tip­ke salyp qana qoımaı, órt shyq­­qan kezde jedel dabyl qa­ǵyp, jyldam áreket etýge, br­a­konerlerdi anyqtaýǵa sep­­­­tespek. Vıse-mınıstrdiń só­zinshe, qoqysty suryptap tas­­­taý alańdary men «Eko-Ser­­gek» tájirıbesin birtindep basqa ulttyq park­terge de en­gizý josparda bar. Aıtylǵan usy­nystar Qoǵamdyq keńes mú­sheleri tarapynan tolyq qol­daý tapty. Túrgen, Alma-Ara­san shatqaldaryndaǵy eko­týrızmdik ınfraqu­ry­lymdardy je­tildirý, eko­logııalyq bilim má­selesi jıyn­nyń ózegine aınaldy.

ALMATY