Sádýaqas Baıǵabylov Almaty qalasynyń sanıtarlyq-epıdemııalyq baqylaý departamenti basshysynyń orynbasary bolyp taǵaıyndaldy, dep habarlaıdy Egemen.kz
"Búginnen bastap Almaty qalasy sanıtarlyq-epıdemııalyq baqylaý departamenti basshysynyń orynbasary bolyp taǵaıyndaldym", deıdi Sádýaqas Baıǵabylov.
Buǵan deıin Sádýaqas Baıǵabylov Kóliktegi bas memlekettik sanıtar dáriger laýazymyn atqardy. Ol bul qyzmetke 2020 jyldyń 31 naýryzynda taǵaıyndalǵan.
Shildede S.Baıǵabylov birneshe apta boıy Atyraý oblysynyń bas memlekettik sanıtar dárigeri qyzmetin atqardy. Onyń aıtýynsha, ol koronavırýs boıynsha sanıtarlyq-epıdemııalyq jaǵdaıdy turaqtandyrý maqsatynda jiberilgen. Alaıda aı sońynda ol kóliktegi bas dáriger laýazymyna oraldy.
2020 jyldyń qańtarynan naýryzyna deıin Sádýaqas Baıǵabylov Pavlodar oblysynyń bas sanıtar dárigeri bolyp jumys istedi.
2018-2019 jyldary Nur-Sultannyń bas sanıtar dárigeri qyzmetin atqardy.