Jambyl oblysynda sportshy Shavkat Rahmonovtyń jubaıyna qatysty ólimmen aıaqtalǵan jol-kólik oqıǵasy boıynsha sot úkimi shyqty. Sottalýshyǵa jol qozǵalysy erejelerin buzyp, abaısyzda eki adamnyń ólimine sebepker boldy degen aıyp taǵyldy, dep jazady Egemen.kz.
Qaıǵyly oqıǵa 27 shilde kúni tańerteń Almaty – Ekaterınbýrg tasjolynyń 299-shaqyrymynda bolǵan. Sotta anyqtalǵandaı, apat kezinde áıel qatty sharshaǵan kúıde kólik basqarǵan. Rólge ıe bola almaı, qarsy baǵyttaǵy jolaqqa shyǵyp ketken. Saldarynan eki adam qaza tapty.
Al Shavkat Rahmonovtyń jubaıy men uly aýrýhanaǵa jetkizilgenimen, kelesi kúni oblystyq aýrýhanadan shyǵyp, Almatyǵa jol tartqan.
Sot barysynda aıyptalýshynyń kinási taraptardyń jaýaptary, saraptama qorytyndylary jáne ózge de is materıaldary arqyly dáleldendi. Prokýror oǵan 5 jyl bas bostandyǵynan aıyrý jazasyn taǵaıyndap, úkimniń oryndalýyn 5 jylǵa keıinge qaldyrýdy suraǵan.
Jábirlenýshiler sotta júrgizýshini keshiretinderin málimdedi. Al aıyptalýshy óz kinásin moıyndamaǵan.
Sot ókilderiniń túsindirýinshe, kámeletke tolmaǵan balalary bar nemese olardy tárbıelep otyrǵan áıelderge qatysty jaza óteýdi bes jylǵa deıin keıinge qaldyrý qarastyrylǵan. Alaıda bul merzim balanyń 14 jasqa tolý merziminen aspaýy tıis. Aıyptalýshynyń eki men toǵyz jas aralyǵyndaǵy tórt balasy bar ekeni belgili boldy.
Jeńildetýshi mán-jaı retinde onyń kishkentaı balalarynyń bolýy eskerilgen. Sonymen qatar, oǵan 7 jyl merzimge kólik basqarýǵa tyıym salyndy.
Úkim ázirge zańdy kúshine engen joq.