Shymkent qalasynda ótken Digital Qazaqstan 2026 halyqaralyq sıfrlyq forýmynda Premer-mınıstr Oljas Bektenov sıfrlandyrý men jasandy ıntellekttiń el damýyndaǵy sheshýshi rólin atap ótti. «Indýstrııa 5.0: О́zara árekettesýdiń kúshi» taqyrybyndaǵy jıynǵa EAEO elderiniń úkimet basshylary, IT-ındýstrııa ókilderi, halyqaralyq kompanııalar men ınvestorlar qatysyp, 3 myńnan astam delegat bas qosty, dep jazady Egemen.kz.
Forýmnyń plenarlyq otyrysynda Úkimet basshysy jasandy ıntellektini damytýdyń negizgi baǵyttaryn aıqyndap berdi. Onyń ishinde ınstıtýsıonaldyq negiz qalyptastyrý, sıfrlyq ınfraqurylymdy damytý jáne adamı kapıtaldy nyǵaıtý máselelerine basymdyq berildi.
«Búginde Qazaqstan sıfrlandyrý men jasandy ıntellekt jańa ekonomıkalyq modeldiń negizine aınalatyn kezeńge qadam basty. Sondyqtan Qazaqstan Prezıdenti Qasym-Jomart Kemeluly Toqaev 2026 jyldy Sıfrlandyrý jáne jasandy ıntellekt jyly dep jarııalap, bul salanyń elimiz úshin aıryqsha mańyzdylyǵyn atap ótti», dedi Oljas Bektenov.
Shymkentte Eýrazııalyq úkimetaralyq keńestiń otyrysy ótip jatyr
Premer-mınıstrdiń aıtýynsha, elde júrgizilip jatqan saıası jańǵyrýlar aıasynda jańa Konstıtýsııa qabyldanyp, onda alǵash ret sıfrlyq quqyqtar konstıtýsııalyq deńgeıde bekitildi. Bul qadam tek tehnologııalyq damýǵa serpin berip qana qoımaı, memlekettiń uzaq merzimdi strategııalyq basymdyqtaryn aıqyndaıdy.
«Sıfrlyq quqyqtardy eń joǵary deńgeıde bekitý biz úshin sıfrlyq transformasııa tek tehnologııalardy damytý týraly ǵana emes, sonymen qatar naqty quqyqtyq kepildikter, derekterdi qorǵaý jáne senim prınsıpteri týraly ekenin aıqyndaıdy. Osylaısha, Qazaqstan sıfrlyq tehnologııalar men jasandy ıntellektini damytý úshin boljamdy ári turaqty quqyqtyq orta qalyptastyrýda», dedi Úkimet basshysy.
Oljas Bektenov EAEO aýmaǵynda júk tasymalyn retteıtin JI platformasyn qurýdy usyndy