Qazaqstannyń Izraıldegi Elshiligi elimizdiń Aýyl sharýashylyǵy vıse-mınıstri Nurbek Daıyrbekovtyń jáne Izraıldiń isker toptarynyń qatysýymen onlaın-kezdesý uıymdastyrdy.
Elshi Satybaldy Burshaqov óz sózinde eki memleket arasyndaǵy saýda-ekonomıkalyq yntymaqtastyqtyń negizgi baǵyttary týraly habarlap, Izraıldiń bıznes qaýymdastyǵyn ınvestısııalyq yntymaqtastyqtyń áleýetin tıimdi paıdalanýǵa shaqyrdy.
О́z kezeginde, N. Daıyrbekov elimizdegi agrarlyq ónerkásiptiń basym baǵyttarymen tanystyryp, salany memleket tarapynan qoldaý sharalary men onyń ınvestısııalyq tartymdylyǵy týraly aıtyp berdi.
Izraıldiń tehnologııalyq jáne ǵylymı mol tájirıbesin eskere otyryp, vıse-mınıstr osy eldiń kompanııalary men ǵylymı-zertteý uıymdaryn aýyl sharýashylyǵy salasynda birlesken jobalardy júzege asyrýǵa jáne zertteýler júrgizý úshin tyǵyz yntymaqtastyq ornatýǵa shaqyrdy.
Sonymen qatar, beınekonferensııa barysynda «Izraıl-Qazaqstan» saýda-ónerkásiptik palatasynyń ókilderi Mıhael Roe men Moshe Mazınter, LR Group bas dırektory Amı Lıýstıg jáne Terra Verde kompanııasynyń prezıdenti Djonatan Spenser sóz sóıledi.
Is-shara nátıjesinde aladǵy jeltoqsan aıynda Qazaqstanǵa Izraıldiń bıznes-mıssııasyn uıymdastyrýdy josparlaý týraly ýaǵdalastyqqa qol jetkizildi.