Halyqaralyq kórmeler bıýrosy músheleriniń daýys berý qorytyndysy boıynsha, «EKSPO-2020» halyqaralyq kórmesi Birikken Arab Ámirlikteriniń Dýbaı qalasynda ótetin boldy. Bul týraly ITAR-TASS habarlady.
Daýys berýdiń úshinshi kezeńine 41 daýys jınaǵan Ekaterınbýrg pen 87 daýys jınaǵan Dýbaı qalalary ótken bolatyn. Aqtyq kezeńde Ekaterınbýrg nebári 47 daýys jınasa, Dýbaı qalasy 116 daýyspen «EKSPO-2020» halyqaralyq kórmesin ótkizý mártebesine ıe boldy.
Brazılııanyń San-Paýlý qalasy birinshi kezeńnen óte almady. Al 36 daýys jınaǵan Túrkııanyń Izmır shahary ekinshi kezeńde jarystan shyǵyp qaldy.
«Biz 2020 jyly 25 mln. qonaqty qabyldap, álem tarıhyndaǵy eń úzdik kórmeni ótkizemiz», – dep jazdy Birikken Arab Ámirlikteriniń vıse-prezıdenti Rashıd Ál-Maktým óziniń tvıtterdegi paraqshasyna. Sondaı-aq BAÁ bıligi bul kúnderi Dýbaıda jáne respýblıka boıynsha «EKSPO-2020» jeńisi men osy kúnmen tuspa-tus kelgen eldiń táýelsizdik kúnine baılanysty merekelik baǵdarlamalar ótkiziletinin jarııalady.
Aıdar О́risbaev.
Derekkóz: Itar-tass.com