Medısınalyq mekemeler men dárihanalardy tekserdi

Is-shara barysynda polısııa qyzmetkerleri jumys barysynda esirt­ki, psıhotroptyq zattar men prekýrsorlardy paıdalanatyn kásiporyndar men uıymdardy tekserdi. Esirtki qylmysyna qar­sy is-qımyl departamentiniń aqparaty boıynsha, 5 kún ishinde elimizde esirtki, psıhotroptyq nemese ýly zattarmen jumys isteý erejelerin buzýmen baı­lanysty 18 qylmystyq qu­qyq buzýshylyq tirkelgen. Ba­qylaýdaǵy zattar aınalymy sa­lasynda 78 ákimshilik quqyq buzýshylyq anyqtaldy, osyndaı buzýshylyqtardyń 44-i dárihanalarda dári-dármekterdi reseptisiz jiberýmen baıla­nysty. Quramynda esirtki já­ne psıhotroptyq zattar bar medı­sınalyq preparattardyń 6 myńǵa jýyq tabletkalary men ampýlalary tárkilendi. My­saly, Aqtóbe oblysyndaǵy bir medısınalyq mekemeni tekserý ba­rysynda bu­zýshylyqtarmen saqtalǵan 90 ampýla morfın men 2500 ampýla fentanıl tárkilendi. Kináli laýazymdy tulǵalarǵa qatysty qylmystyq is qozǵaldy.

Budan basqa operasııa ke­ze­ńinde esirtkiniń zańsyz aınaly­my salasynda 51 qylmys, onyń ishin­de 27 ótkizý faktisi, 23 esirt­kini asa iri mólsherde saqtaý jáne 1 kontrabanda faktisi anyq­tal­dy. Máselen, elordalyq esirt­ki­men kúres polıseıleri bu­ryn sot­ty bolǵan, 39 jastaǵy jer­gilik­ti turǵyndy ustady, odan 20 kg-ǵa jýyq gashısh tárkilendi, «qara naryqta» onyń baǵasy 30 mln teńgeni quraıtyn edi. Taǵy bir iri ustaý faktisi Qostanaı obly­synda tirkeldi. Jitiqara qala­synyń turǵyny óz úıiniń ede­niniń astynda 500 gr shamasyn­da geroın saqtaǵan. Tintý barysynda polıseıler esirtkiden bas­qa, tarazy men úlken aqsha somasyn tárkiledi. Anyqtalǵan qylmys­tardyń barlyq faktileri boıynsha qylmystyq ister qoz­ǵaldy.