Oblystyq polısııa departamentiniń qyzmetkerleri "Dármek" jedel aldyn alý is-sharasy kezinde "dárihanalyq" nashaqorlar arasynda suranysqa ıe psıhotroptyq dárilik preparattardy zańsyz satýmen aınalysqan úsh azamatty ustady. Olardan plastınka túrindegi 240 "tramadol" men men 18 "tropıkamıd" dárileri tárkilendi, dep habarlaıdy Egemen.kz.
"Ásirese, esirtki quraldaryn, psıhotroptyq zattar men prekýrsorlardy qoldaný, saqtaý jáne paıdalaný erejelerin buzýshylyqty anyqtaýǵa erekshe nazar aýdaryldy. Atyraý oblysynda 30-dan astam densaýlyq saqtaý nysany men óz qyzmetinde psıhotroptyq zattardy, prekýrsorlardy qoldanatyn 20-dan asa mekeme bar. "Dármek" jedel aldyn alý is-sharasy kezinde úsh emdeý-profılaktıkalyq mekemesi, óz qyzmetinde psıhotroptyq zattarmen prekýrsorlardy qoldanatyn eki mekeme tekserildi", dedi polısııa departamenti bastyǵynyń orynbasary, polısııa polkovnıgi Nurhat Orazbaev.
Jedel is-shara qorytyndysymen QR Qylmystyq Kodekstiń 296-babynyń 2-bóligimen jáne 297-babynyń 1, 3-bólikterimen tórt sotqa deıingi tergep-tekserý bastaldy. Tórt ákimshilik quqyq buzýshylyq anyqtaldy. Qatysy bar tulǵalardy (onyń ishinde 1 medısına qyzmetkeri) jaýapkershilikke tartý úshin jınaqtalǵan qujattar Atyraý oblystyq sanıtarııalyq-epıdemıologııalyq baqylaý departamentine joldandy.