Polısııa qyzmetkerleri toqtatqan "Toyota Camry" avtokóligine jalǵan memlekettik belgi taǵylǵan eken, dep habarlaıdy Egemen.kz.
"24 jastaǵy júrgizýshige qatysty QR Ákimshilik quqyqbuzýshylyq týraly Kodeksine sáıkes 7 ákimshilik hattama toltyrylyp, 180 570 teńge kóleminde aıyppul salyndy. Budan basqa atalǵan Kodekstiń 590-babynyń 4-bólimimen (Jalǵan memlekettik belgi ornatý), 596-babynyń 3-bólimimen (Joldyń qarsy baǵytyna shyǵý) boıynsha taǵy 2 ákimshilik hattama sheshim qabyldaý úshin sotqa joldandy", dep habarlady oblystyq polısııa departamentiniń baspasóz qyzmeti.
Bul avtokóliktiń jalǵan memlekettik belgisinde 2 mln 391 858 teńgeni quraıtyn 104 aıyppul salynypty. Al júrgizýshiniń atyna tirkelgen memlekettik belgisi boıynsha 272 myń 244 teńgeniń 12 aıyppuly bary anyqtalyp otyr. Avtokólik aıyp turaǵyna qoıyldy.