Juqpaly indetke shaldyqqan naýqas sany Jetisýda da kóbeıip keledi. Ásirese, aýyldarda shekteý men saqtyq sharasynyń kúsheıgenine qaramastan juqtyrýshylar sany azaımaı otyr. Aımaqtyń sanıtarlyq qyzmeti jekelegen eldi mekenderge qatysty qatań shekteýler engizýdi bastady.
Máselen, Qaratal aýdanynyń bas sanıtar dárigeriniń qaýlysymen Úshtóbe qalasynyń kireberisine sanıtarlyq beket ornatyldy. Mobıldi post aýdan ortalyǵyna kirip-shyǵatyn jolaýshylardy baqylap, dene qyzýyn ólsheıdi. Sonymen birge úı karantıninde jatqan adamdardy, olarmen baılanysta bolǵandardy qaladan tysqary shyǵarmaýdy qadaǵalaıdy. Post jumysyna polısııa ókilderi, medısına qyzmetkerleri tartylǵan. Olar arnaıy qorǵanysh quraldarymen qamtamasyz etilgen. Al Qaratal aýdany boıynsha qatań sharalardyń qabyldanýyna óńirdegi naýqastar sanynyń on adamnan asyp ketkeni sebep bolǵan.
Jalpy, Almaty oblysynda 21 qarashadan bastap karantınniń keıbir talaptary qaıtadan kúsheıtilgen edi. Bas sanıtar dáriger qol qoıǵan jańa qaýlyda óńirdegi karantındik shekteýlerdi uzartý jaıy qarastyrylǵan. Sonymen qatar jańa qujatta oıyn mekemeleri, oıynhanalar, kazıno, utysqa aqsha tigip, qumar oıyndar ótkizetin ǵımarattardyń jumysy toqtatyldy.
Almaty oblysy