Shymkent qalasynyń №24 mektep-lıseıiniń bastaýysh synyp oqýshylary úshin túrli dáýirdegi jaýyngerler músinderiniń kórmesi uıymdastyryldy. Balalarǵa eksponattardy otstavkadaǵy podpolkovnık Arman Ahashov usyndy.
Kórmede qalaıy, plastmassa, alıýmınıı, myrysh jáne mys qorytpalarynan jasalǵan ártúrli mólsherdegi músinder usynyldy. Biregeı toptamamen tanysý balalar úshin erekshe oqıǵa boldy.
Qazaq handyǵy jaýyngerleriniń kóshirmeleri, olardyń jaýyngerlik kıim-keshekteri men qarýlarynyń usaq-túıekterine deıin qaıtalanaýy balalardyń erekshe qyzyǵýshylyǵyn týdyrdy. Sondaı-aq oqýshylar ejelgi ǵundar, saqtar, mońǵoldar, vıkıngter, orta ǵasyr rysarlary, Napoleon dáýiriniń sarbazdary jáne Eki dúnıejúzilik soǵystaǵy keńes jaýyngerleriniń qarý-jaraqtarymen, jabdyqtarymen tanysty.
«О́z eliniń dástúrleri, tarıhy men mádenıetine uqypty qaraıtyn patrıotty tárbıeleý – zamanaýı mekteptiń mańyzdy mindetteriniń biri. Osyndaı tanymdyq is-sharalardyń kómegimen biz balalardyń áskerı qyzmetke degen qyzyǵýshylyǵyn oıatamyz, ata-babalarymyzdyń dástúrlerin qurmetteýge, Otan aldyndaǵy borysh sııaqty sezimin tárbıeleımiz», dep atap ótti mektep dırektory Janar Nysanbaeva.
Oqýshylar kórmeni uıymdastyrýshylar men kolleksıonerge ótken ǵasyrlardaǵy, túrli elder men halyqtardyń jaýyngerlerimen qyzyqty jáne tanymdyq «kezdesý» úshin alǵys bildirdi.