Temir aýdanyndaǵy bir aýdandyq aýrýhana, 5 dárigerlik ambýlatorııa, 2 feldsherlik-akýsherlik jáne 16 medısınalyq pýnkt bolsa, endi solardyń qatary taǵy bir emdeý mekemesimen tolyqty, dep habarlaıdy Egemen.kz
Aýdan ortalyǵynan 50 shaqyrym jerde ornalasqan, Altyqarasý aýyldyq okrýgine qarasty Eńbekshi eldi mekenindegi 2004 jyly jabylyp qalǵan jabylyp qalǵan medısınalyq ambýlatorııany qaıta ashýǵa aýyl turǵyndary byltyr ótinish bildirgen edi. Adam sanynyń azdyǵynan emdeý mekemesi jabylǵan soń ǵımaraty da kútimsizdikten azyp-tozyp bara jatty.
Bıyl jazda osy jerde kúrdeli jóndeý jumystary júrgizildi. Qurylys jumystaryna "Jumyspen qamtýdyń jol kartasy-2020" memlekettik baǵdarlamasy boıynsha aýyldyń jumyssyz turǵyndary tartyldy. Barlyq jóndeý shyǵyny – 61 mıllıon teńgege aıaqtalǵan ambýlatorııaǵa zamanaýı medısınalyq jabdyqtar da ákelindi. Endi bul jerde 3 feldsher-akýsher men medbıke kúnine 20 adamǵa deıin medısınalyq kómek kórsetpekshi.
"Dárigerlik kómek alý úshin Eńbekshi aýylynyń turǵyndary Altyqarasýǵa, ne aýdan ortalyǵy Shubarqudyqqa qatynaıtyn. Egde jastaǵy adamdar men júkti kelinshekterge dárigerlik tekseristen ótýge qaıta-qaıta 6-70 shaqyrym jerlegi aýdan ortalyǵyna qatynaý qıynǵa tústi. О́tinishimiz qabyl bolyp, aýylymyzda aq halattylarymyzdyń bolýy bizder úshin kóp kómek", deıdi aýyl turǵyny Saıyn Boranqulov. Eńbekshi aýylynyń turǵyndary ambýlatorııanyń ashylý saltanatynda qurylys jumystaryn júrgizgen "Tana-Praks" JShS basshysy Jumataı Beksultanovqa rızashylyqtaryn bildirdi.