Almatyda onlaın júıede ótip jatqan aýyr atletıkadan el chempıonatynyń tórtinshi jarys kúni máresine jetip, jeńimpaz ben júldeger atanǵan sportshylardyń esimi belgili boldy.
Erler arasynda 73 kg salmaqta shymkenttik Aleksandr Ývarovqa teń keler eshkim tabylmady. Ol qossaıysta 308 kg-ny (139+169) eńserip, el chempıony atandy. 2019 jyly AQSh-ta ótken jastar arasyndaǵy álem chempıonatynda top jarǵan Aqmolda Saıramkez 297 kg (127+170) ziltemirdi basynan asyra kóterip, ekinshi orynǵa taban tiredi. Úshin oryn 293 kg (133+160) kótergen almatylyq Pıotr Hrebtovke buıyrdy.
Áıelder arasynda 76 kg-da birqatar halyqaralyq jarystyń jeńimpazy Ekaterına Bykova úzdik atandy. Shyǵysqazaqstandyq sportshy qossaıysta 209 kg (89+120) ziltemirdi baǵyndyrdy. Kúmis júlde Anjela Chalkarovaǵa (205 kg), qola medal Araı Nurlybekovaǵa (204 kg) buıyrdy. 81 kg-da Karına Kýzganbaeva (220 kg) dara shyqty. Ekinshi oryndy Olga Pastýhova (212 kg) ıelense, úzdik úshtikti Aıym Esjanova (211 kg) túıindedi.