Sulpak ǵımaratynyń aldynda kesilgen emender Qazaqstannyń Qyzyl kitabyna engen. Bul týraly Almaty qalalyq jasyl ekonomıka basqarmasynyń basshysy Natalıa Lıvınskaıa málimdedi, - dep habarlaıdy Egemen.kz
"Basqarma emen túriniń quramy men keltirilgen zııandy anyqtaý úshin botanıkalyq baq pen Ile-Alataý ulttyq parkine saýal joldady. Sarapshylar kesilgen aǵashtar Qazaqstannyń Qyzyl kitabyna engenin anyqtady. Ol joǵalý qaýpinde turǵan sırek kezdesetin túr", - dedi Natalıa Lıvınskaıa.
Basqarma basshysy vedomstvoǵa kásipkerler tarapynan aǵash kesýge ótinish túspegenin atap ótti.
"Jeksenbide biz oqıǵa ornyna bardyq. Eki jeke kásipkerge aıyppul salyndy. Buǵan olardyń aǵashtardy keskeni jáne abattandyrý erejelerin saqtamaǵany sebep boldy. Biz Sulpak qojaıynynyń ótemaqy retinde aǵashtar otyrǵyzýyn talap etemiz", - dedi Natalıa Lıvınskaıa.