Túrkistan oblysy Saıram aýdanynda qosymsha 100 tósek-oryndyq ınfeksııalyq stasıonar salynady. Oblys ákimi О́mirzaq Shókeevtiń qoldaýymen júzege asatyn jobanyń jer telimi bekitildi.
Aýdandyq ortalyq aýrýhananyń indettiń yqtımal ekinshi tolqynyna daıyndyq barysyn baqylaǵan О́mirzaq Estaıuly medısına qyzmetkeleri qorǵanysh quraldarymen, zalalsyzdandyrý zattary jáne dári-dármek qorymen tolyq qamtamasyz etilýi tıis ekenin aıtty. Aýdan ákimi Ulasbek Sádibekovke aýrýhanada júrip jatqan kúrdeli jóndeýdiń sapasyn qatań baqylaýǵa alýdy tapsyrdy. Emdeý mekemesi 134 myńnan astam halyqqa qyzmet kórsetedi. Medısınalyq mekemeniń 7 bólimshesinde kúrdeli jóndeý jumystary júrgizilgen. Sondaı-aq 40 orynǵa eseptelgen ınfeksııalyq bólim jasaqtalyp, COVID-19 -ǵa dıagnostıkalyq medısınalyq qural – jabdyqtar tolyq jınaqtalǵan. IVL apparattary men ottegilik konsentratorlarymen qamtamasyz etilgen. Ambýlatorlyq-emhanalyq uıymdarda 28 mobıldi top qurylyp, 4500-den astam naýqasqa emdik shara kórsetilgen.
Oblys ákimi jumys sapary barysynda Aqsýkent aýyldyq okrýgindegi medısınalyq betperdeler shyǵaratyn «S Medical» JShS-niń jumysymen tanysty. Taıaýda ashylǵan óndiris ornynda táýligine 80 myń, aıyna 2 mln dana medısınalyq betperde shyǵarylýda.