Mal urlyǵy kóptiń kóńilin kúpti etýde

Bireýdiń adal eńbegin ońaı jol­men paıdalanyp­ ketkisi kel­genderdiń birazy­ quryq­tal­ǵanymen, anyqtalmaǵan jaǵ­daılar áli de bar. Máselen, oblystyq Polısııa departamentiniń málimetinshe, óńirde aǵymdaǵy jyldyń 10 aıynda 169 mal urlyǵy tirkelgen. Sharýalardan 623 bas mal urlanǵan. Biraq jergilikti polıseılerdiń jedel áreketiniń ná­tı­­jesinde, 295 bas mal ıelerine qaı­tarylyp, jalpy quny 30 mıllıon teń­geden astam materıaldyq shyǵyn ótelgen. Alaıda qalǵan maldyń qaıda ketkeni belgisiz. Bul oraıda aýyldy jerlerde turatyn turǵyndar kún sýytyp, qar tússe boldy, mal ur­lyǵynyń kóbeıetinin aıtyp dabyl qaǵýda.

Bıylǵy qazan aıynda Jýaly aýda­­nynyń turǵyny aýdan­dyq polı­­sııa bó­limine aýlasyndaǵy mal qoradan jyl­qysynyń urlan­­ǵany týraly sha­ǵymdanǵan. Kel­­­ti­ril­gen jalpy shyǵyn kó­lemi 1 mıl­lıon teńgeni quraıdy.

Atalǵan derekke qatysty jedel iz­destirý jumystary júrgizilip, ná­tı­je­sinde kúdikti retinde Jýaly aýda­ny­nyń 54 jastaǵy turǵyny ustal­ǵan. Bul kúnde ol jasaǵan qyl­my­syn tolyǵymen moıyndap, Taraz qa­la­syn­daǵy ýaqytsha us­taý abaqtysyna qa­mal­ǵan. Mun­daı jaǵdaı qazan aıynda Jýaly aýdanynyń Shaqpaqata aýylyn­da da oryn alǵan. Urlanǵan mal ıe­sine 600 myń teńge kóleminde shy­ǵyn kelgen. Alaıda kóp uzamaı urlyq­tyń izi ashylyp, qylmysqa qatysy bar degen kúdikpen Taraz qalasynda turatyn Jýaly aýdanynyń týmasy ustalyp, Taraz qalasyndaǵy №13 tergeý abaq­tysyna qamaýǵa alyn­ǵan. Sonymen qatar T.Rysqulov aýdany Jarlysý aýy­lynyń turǵyny taý etegindegi ja­ıy­ly­mnan úsh jylqysynyń urlan­ǵanyn aıtyp, polısııaǵa aryz jazǵan. Munda da eki kúdikti us­talyp, ýaqytsha ustaý ızolıatoryna qamalǵan. Bul kúnde urlanǵan jylqylar ıesine qaıtaryl­ǵan. Búginde mal urlyǵy óńirdiń bar­lyq aýdan, aýyl­darynda bar. Biraq quryq­talǵan qyl­myskerlerden bólek, áli kún­ge deıin izin jasyryp júrgenderi qan­shama. Bir úıdiń bala-shaǵasynyń aýzy­nan jyryp, bir kádege daıyndap otyr­ǵan malyn bir túnde úptep ketetin ury­lardyń qarasy azaımaı tur.

Qazirgi kezde óńirde mal urly­ǵy­nyń aldyn alý mańyzdy. Bul oraıda ob­lys­ta «Mal urysy» jedel aldyn alý is-sharasy uıym­­dastyrylǵan bola­tyn. Úsh kún­niń ózinde oblystyń polı­sııa qyz­metker­leri mal urlyǵynyń 16 de­regin ash­qan. Qabyldanǵan shara­lar nátıjesinde ıelerine 72 bas mal qaı­tarylǵan. Bul da óńirde mal urlyǵynyń órship turǵanyn kórsetedi. Jýyrda ǵana T.Rysqulov aýdanynan 23 bas iri-qara mal urlanyp, aımaq turǵyndaryn ári-sári kúıge túsirgen bolatyn. Al sol maldardy urlaǵan Baı­zaq aýdanynyń eki turǵyny bolyp shyqty. Sonymen qatar mal urlyǵyna qatysy bar 93 adam, onyń ishinde 35 adamnan turatyn 16 top ustalǵan.

Jambyl oblysy