Halyqaralyq fýtbol federasııasynyń (FIFA) resmı saıtynda fýtboldan ulttyq quramalardyń qarasha aıyna arnalǵan reıtıngi jarııalandy. Jańartylǵan reıtıngte Qazaqstan úsh saty tómen syrǵyp, Tájikstan quramasynan keıingi 122-orynǵa jaıǵasty.
Jalpy, ótken aıdaǵy reıtıngpen salystyrar bolsaq, kósh basyndaǵy quramalarda asa qatty ózgeris joq. Birinshi oryndy ádettegideı 1780 upaımen Belgııa quramasy ıelenip tur. 2018 jylǵy álem chempıondary – Fransııa (1755) ekinshi, Brazılııa quramasy (1743) úzdik úshtikti túıindedi.
Qazaqstan ulttyq quramasy osy aıda Ulttar lıgasynda eki match ótkizip, ekeýinde de jeńilip qalǵan bolatyn. Alǵash syrt alańda Albanııadan 3:1 esebimen jeńilse, óz alańymyzda ótken matchta Lıtvadan 2:1 esebimen utyldy. Sóıtip Ulttar lıgasynyń S dıvızıonynda tórt upaı jınap, sońǵy orynda qalyp qoıdy.
Aıta keteıik, ótken aıdaǵy reıtıngte jerlesterimiz bir saty tómendegen bolatyn.