Qazaqstandyq kásipqoı boksshy Danııar Eleýsinov (10-0, 6 KO) óziniń kezekti jeńisinen keıin IBF (Halyqaralyq boks federasııasy) tujyrymy boıynsha jartylaı orta salmaqtaǵy TOP-10 boksshynyń qataryna qosyldy.
Jýyrda otandasymyz bir jyldyq úzilisten keıin sharshy alańǵa qaıta oralyp, namıbııalyq qarsylasy Djýlıýs Indongony (23-3, 12 KO) ekinshi raýndta tehnıkalyq nokaýtpen sulatyp salǵan-dy. Osy jeńisi arqyly Eleýsinov IBF Inter-Continental chempıony vakantty belbeýiniń ıegeri atanǵan-dy. Kásibı mansabyndaǵy alǵashqy tıtýlyn ıelengennen keıin jerlesimiz kúni keshe jańarǵan IBF reıtınginde 9-orynnan kórindi.
Qazirgi tańda bul salmaqtyń (66,68 kg) chempıony amerıkalyq kishi Eroll Spens sanalady. Al reıtıngtiń birinshi ornyn ózbekstandyq bylǵary qolǵap sheberi Kýdratıllo Abdýkahorov ıelenip tur. Ekinshi orynǵa taǵy bir amerıkalyq Shon Porter, úshinshi orynǵa reseılik boksshy Sergeı Lıpınes jaıǵasqan.