Qazaqstannyń Birikken Ulttar Uıymy janyndaǵy Turaqty ókili Maǵjan Ilııasov BUU Bas hatshysy Antonıý Gýterrıshke senim gramotalaryn tapsyrdy. Tapsyrý rásim Uıymnyń Nıý-Iorktegi shtab-páterinde ótti.
Áńgime barysynda Bas hatshy Uıym kún tártibiniń barlyq aspektileri boıynsha Qazaqstan men BUU arasyndaǵy yntymaqtastyqtyń joǵary deńgeıin atap ótti. Ol Qazaqstannyń halyqaralyq uıymnyń aıryqsha mańyzdy jáne senimdi seriktesi, ártúrli dinder men mádenıetterge ózara qurmet dástúrlerimen tanymal kópjaqty dıplomatııanyń senimdi jaqtaýshysy ekenin, sondaı-aq turaqty medıator jáne elder arasyndaǵy kópir ekendigin basa aıtty.
«Elimizdiń jahandyq qarýsyzdaný jáne basqa da salalardaǵy kóshbasshylyǵy erekshe mańyzdy bolyp qala beredi, al Ortalyq Azııadaǵy róli jáne BUU qundylyqtaryna beıildiligi jan-jaqty moıyndalýda», - dedi A. Gýterrısh.
BUU Bas hatshysy sonymen qatar onyń birneshe ret Qazaqstanda bolǵanyn atap ótip, Prezıdent Qasym-Jomart Toqaev pen Tuńǵysh Prezıdent - Elbasy Nursultan Nazarbaevqa jyly tilekterin joldady.
О́z kezeginde M. Ilııasov suhbattasýshysyna Qazaqstan basshylyǵy atynan izgi tilekterin jetkizip, áriptestikti odan ári nyǵaıtý aıasynda BUU-daǵy jumystyń basym baǵyttary týraly habardar etti. Iаdrolyq qarýdy jahandyq taratpaýdy kúsheıtý, halyqaralyq terrorızmge qarsy turý mindetteri, sondaı-aq Prezıdent Q. Toqaevtyń BUU Bas Assambleıasynyń 75-shi sessııasynyń jalpy saıası debattarynda aıtqan bastamalary, onyń ishinde Bıologııalyq qaýipsizdik jónindegi halyqaralyq agenttikti qurý jáne Damý maqsatynda volonterlerdi jumyldyrýdyń halyqaralyq jylyn jarııalaý atap ótildi. Turaqty ókil sonymen birge Qazaqstannyń 2020-2021 jyldary teńizge shyǵar joly joq damýshy elder tobynda jahandyq tóraǵalyǵy sheńberinde toptyń múddelerin belsendi ilgeriletýge nıetti ekendigine sendirdi.
BUU Bas hatshysyna Qazaqstannyń Tuńǵysh Prezıdenti Nursultan Nazarbaev týraly Ulybrıtanııada «FIRST» baspasy shyǵarǵan Brıtan-Qazaqstan qoǵamynyń tóraǵasy Rýpert Gýdmannyń «Ult atasy: Álem adamy. Kóshbasshylyq tarıhy» kitaby tabys etildi.